,,უნივერსიტეტის პოლიტიზირება ხდება - აკადემიურმა საბჭომ უნარების ტესტი ვერ ჩააბარა"- თსუ-ს რექტორობის კანდიდატი

პოლიტიკა - 18:04, 23 Sep, 2016

1632

ივანე ჯავახიშვილის სახელობის თბილისის სახელმწიფო უნივერსიტეტის რექტორობის კანდიდატი ცირა ბარამიძე გია შარვაშიძის რექტორად არჩევას გამოეხმაურა.

მისი თქმით, მიმდინარეობს უნივერისტეტის პოლარიზაცია, რაც სტუდენტებისა და სახელმწიფო უნივერსიტეტის სტუდენტებისთვის კარგი არ არის.

„არაფერია იმაზე მეტად საშიში, ვიდრე კოლონიზატორების მიერ გამოზრდილი ინტელიგეცია. ეს ეხება იმ 21 ხმას, ვინც მხარი დაუჭირა გია შარვაშიძეს. უნივერსიტეტის პოლიტიზირებას რაც ეხება, ამ ბოლო წლების მანძილზე ხმამაღლა ვაცხადებდი, რომ უნივერსიტეტში ხდება პოლიტიზირება, შესაბამისად პოლარიზაცია პროფესორებსა და სტუდენტებს შორის, რამაც გამოიწვია კოლაფსი გაზაფხულზე. დღეს აკადემიურმა საბჭომ უნივერისტეტში უნარების ტესტი ვერ ჩააბარა. მათ აკადემიურ თანამდებობაზე აირჩიეს არა მეცნიერი, არამედ მენეჯერი“, - განაცხადა ცირა ბარამიძემ.

ივანე ჯავახიშვილის სახელობის სახელმწიფო უნივერსიტეტის რექტორი განათლების მინისტრის ყოფილი მოადგილე გიორგი შარვაშიძე გახდა. მას მხარი აკადემიური საბჭოს 36 წევრისგან მხარი 21- მა დაუჭირა.

შარვაძის რექტორად დანიშვნას აპროტესტებენ სტუდენტებიც და საპროტესტო აქციებითაც იმუქრებოდნენ.

მათი თქმით, შარვაშიზე იყო სამ გზის მინისტრის მოადგილე და შესაძლოა, გავლენა ჰქონდეს სახელმწიფოსგან და უნივერსიტეტის დამოუკიდებლობას შეუქმნას საფრთხე.

115-ე აუდიტორიის წევრების განცხადებით, უნივერსიტეტის რექტორად გიორგი შარვაშიძის არჩევის გამო 26 სექტემბერს აქციის გამართვას აპირებენ.