თბილისის საქალაქო სასამართლოს ყოფილი თავმჯდომარე სასამართლო პროცესთან დაკავშირებით, რომელიც მისი მოვალეობიდან გათავისუფლებას უკავშირდება, კომენტარს აკეთებს. ახვლედიანის განცხადებით, არ აქვს მნიშვნელობა მას აღადგენენ თუ არა სასამართლოში, რადგან ის ამ ტიპის სისტემაში მუშაობას არ აპირებს:

"ტურავა-გვენეტაძის ტანდემი თქვენ წარსულიდან კარგად გახსოვთ და ალბათ დღესაც მიმდინარეობს და ამით ცდილობს გვენეტაძე გარკვეული პოზიცია შეინარჩუნოს სასამართლო სისტემაში, ვინაიდან მას არავითარი, თავისი ხმაც კი არ აქვს სასამართლო სისტემაში. აქ მთელი უბედურება არ არის კლანებზე, ერთი ადამიანით მეტი იქნება თუ ნაკლები. აქ არის სისტემური პრობლემა.

დღეს მიმდინარე პროცესზე აღმადგენენ თუ არა სასამართლოში, ძალიან დიდი მნიშვნელობა არ აქვს, მე ნამდვილად არ ვაპირებ ამ ტიპის სისტემაში მუშაობას. მთელი პრობლემა არის სისტემურ ხედვაში, ამით აჩვენეს მოსამართლეებს, რომ ნებისმიერი საუბარი პრობლემებზე იქნება დასჯილი ასეთი ფორმით. ცერცვაძე ჩინჩალაძის კლანმა აჩვენა საზოგადოებას თავის ძალა.“ - განაცხადა მამუკა ახვლედიანმა.