„თავისუფალი დემოკრატების“ ლიდერი ირაკლი ალასანია მიიჩნევს, რომ საზოგადოებისთვის უინტერესოა როგორც პოლიტიკოსების მიერ ერთმანეთის მისამართით გაკეთებული განცხადებები, ასევე ივანიშვილის შეფასებები პოლიტიკოსებზე:

"ივანიშვილი იქცევა ისე, როგორც იქცევა. შეცდომა აზიანებს მის გუნდს, არ აზიანებს ეს მისი ხაზია. საზოგადოებას არ აინტერესებს აბსოლუტურად თუ რა შეფასებებს აკეთებენ პოლიტიკოსები და ყოფილი პოლიტიკოსები და მითუმეტეს ივანიშვილი. ჩვენი ქვეყნის ყველაზე მნიშვნელოვან ეტაპზე, როცა ასეთ მდგომარეობაშია, ეკონომიკა უსაფრთხოება, მნიშვნელოვანია ვინ როგორ შეცვლის ვითარებას უკეთესობისკენ. თავისუფალ დემოკრატებს ხალხი იმიტომ გვიჭერს მხარს, რომ ხედავენ ჩვენში ალტერნატივას,"- განაცხადა ალასანიამ.