ალასანიას გუნდის წევრების მხრიდან დავით უსუფაშვილის მისამართით გამოთქმულ უკმაყოფილებაზე, თინა ხიდაშელი კომენტარს აკეთებს და ირაკლი ალასანიას პოზიციას ელოდება. საუბარია დავით უსუფაშვილის განცხადებაზე, რომ „ნაციონალური მოძრაობა“ და „ქართული ოცნება“ ერთმანეთს დაემსგავსა:

„მაინტერესებს ალასანიას პოზიცია იგივე არის თუ არა, რაც მისი პარტიის წევრებმა გააკეთეს. თუ არ არის, იქნებ მიხედოს თავისი პარტიის წევრებს, გაარკვიონ, ჩამოყალიბდნენ, რა პოზიცია აქვთ. რაც შეეხება პოზიციას იმის შესახებ თუ ჩვენ რას ვაკეთებდით „ქართულ ოცნებაში“ ყოფნის დროს და მაშინ რატომ არ ისმოდა მსგავსი განცხადებები, მათგან განსხვავებით ჩვენ მუდმივად ვიღებდით გადაწყვეტილებებს. მე გავახსენებ ირაკლი ალასანიას თავდაცვის სამინისტროში ჩემს მიერ სამსახურში აღდგენილ „კაბელების საქმის“ ბიჭებს და მან ძალიან კარგად იცის, როგორ იყო ჩემს მიერ ეს გადაწყვეტილება მიღებული და როგორი მხარდამჭერა მქონდა ამაზე „ქართული ოცნებიდან“. დანარჩენს რაც შეეხება, ბიძინა ივანიშვილმა უკვე თქვა, რომ ჩვენ ცუდი პარტნიორები ვიყავით ჩვენი კრიტიკული შეფასებების გამო“, - განაცხადა თინა ხიდაშელმა.