თბილისის საქალაქო სასამართლო ყოფილი თავმჯდომარის, მამუკა ახვლედიანის სარჩელს განიხილავს. ახვლედიანის თანამდებობიდან გათავისუფლებაზე მოსამართლემ მსჯელობა მას შემდეგ დაიწყო, რაც განხილვაზე ჯერ უარი განაცხადა, შემდეგ კი მეორე ინსტანციამ სარჩელი უკან დაუბრუნა. მამუკა ახვლედიანი თანამდებობიდან იუსტიციის უმაღლესმა საბჭომ გაათავისუფლა, იგი სასამართლო პროცესს არ ესწრება. ყოფილმა თავმჯდომარემ აღნიშნულ პროცესზე განცხადება სხდომათა დარბაზის გარეთ გააკეთა:

"გაცილებით უარესად არის ვითარება. ჩემი წასვლის შემდეგ მათ აჩვენეს თავისი ძალა, ეს აღარ არის კლანი ეს უფრო დიდი ორგანიზმიაა, ეს არის სირცხვილი. ადამიანები ითხოვენ სამართალს რომელიც ქვეყანაში არ არსებობს. თუ აქამდე კლანები მართავდნენ ვითარებას ახლა ერთი დიდი ორგანიზმია, რომელიც გაცილებით საშიში და გავლენიანია,"- განაცხადა ახვლედიანმა.

ახვლედიანმა ასევე აღნიშნა, რომ მას გააჩნია ინფორმაცია იმის შესახებ, რომ მოსამართლეები გადაწყვეტილებებს გარკვეული ანაზღაურების სანაცვლოდ იღებენ:

„დიახ და კონკრეტული ფაქტები არის ცნობილი, კონკრეტულ საკითხებთან დაკავშირებით. ფაქტის გადაცემის ცერემონიას არ დავსწრებივარ, მაგრამ კონკრეტულ საკითხებთან დაკავშირებით ძალიან დიდი ეჭვი მაქვს, რომ სხვაგვარად მსგავსი გადაწყვეტილებები ვერ იქნებოდა მიღებული,“-განაცხადა მამუკა ახვლედიანმა.

ახვლედიანი მის ხელთ არსებული ინფორმაციების გასაჯაროებას უახლოეს პერიოდში გეგმავს.