"სამოქალაქო საზოგადოებაც გარყვნეს... ალბათ, "პაგონებიანმა" გიგაურმა თქვა"- ივანიშვილი NGO-ებს აკრიტიკებს

პოლიტიკა - 13:29, 22 Sep, 2016

2185

საქართველოს ყოფილი პრემიერ-მინისტრის კრიტიკის საგანი საქართველოში მოქმედი არასამთავრობო ორგანიზაციებიც გახდა. ივანიშვილის თქმით, მესამე სექტორი დასვრილი და დაბინძურებილია. აღნიშნული განცხადება ივანიშვილმა კახეთში, მედიასთან შეხვედრის დროს გააკეთა, არასამთავრობო ორგანიზაციების მიერ გაკეთებული განცხადების საპასუხოდ, რომელშიც აღნიშნული იყო, რომ წინასაარჩევნოდ 26 მაისის აქციის დარბევის კადრების გავრცელებას პოლიტიკური ქვეტექსტი აქვს:

„სამოქალაქო საზოგადოებაც ხომ, უკაცრავად და, გარყვნეს, ისეთ ხალხი შედის, იბრალებს და ისეთ ნიშას იკავებს, ისეთი აგრესიულები არიან, „ნაციონალური მოძრაობის“ წევრებიც კი არ არიან ხშირად, რომლებიც არასამთავრობოებს აფარებენ თავს. ალბათ, "პაგონებიანმა" გიგაურმა თქვა, ფულზე, რომ იყო საუბარი, გიგაურმაც მიიღო "პაგონები" მაგ დროს. მე არ ვიცი, ეს ჭორები, მაგრამ უწერენ მაგასაც. მესამე სექტორს კი არ ვაკრიტიკებ, მესამე სექტორში თავშეფარებულ ხალხს ვაკრიტიკებ. ამ სექტორს ნუ აბინძურებენ, გამოვიდნენ, თქვან, რომ „ნაციონალური მოძრაობის“ წევრები არიან, კეთილი ინებონ და დაირქვან სახელი, რომელიც მათ ეკუთვნით. ორმაგ დანაშაულს ჩადიან, როგორც „ლეიბორისტული პარტია“, - განაცხადა ბიძინა ივანიშვილმა.