საქართველოს ყოფილი პრემიერ-მინისტრი ბიძინა ივანიშვილი გადაცემა „შეხვედრები რეგიონულ მედიასთან“ ფარგლებში კახეთის რეგიონის ჟურნალისტებს შეხვდა. ივანიშვილმა 26 მაისის საქმეზე კომენტარი გააკეთა და აღნიშნა, რომ საქართველოში ნიურნბერგის პროცესი არ უნდა შედგეს:

"მინდა, შევახსენო მოსახლეობას, რასაც პოლიტიკაში მოსვლის პირველივე დღიდან ვაცხადებდი - საქართველოში ნიურნბერგის პროცესი არ უნდა შედგეს. ვფიქრობ, არც უნდა შემდგარიყო. იმის მიზეზი, რომ საზოგადოებაში დარჩა უკმარისობის და უკმაყოფილების გრძნობა, ჩემი აზრით, არა დასჯილთა რაოდნობაა, რომლებიც საკმარისად დაისაჯნენ, არამედ ის, რომ „ნაციონალური მოძრაობა“ აგრძელებს თავისი მეთოდის შენარჩუნებას”, - აღნიშნა ბიძინა ივანიშვილმა.

ამასთან, როგორც ბიძინა ივანიშვილმა აღნიშნა, უპრეცედენტო შემთხვევაა, როდესაც ქვეყანაში ამდენი ყოფილი მაღალჩინოსანია დასჯილი:

"მე კიდევ ერთხელ შევახსენებ მოსახლოებას, აგერ მსოფლიო ისტორია, ამდენი ჟურნალისტი ბრძანდებით დღეს აქ, თუ თქვენ ერთ პრეცედენტს დამისახლეებთ, რომ ამდენი მაღალი რანგის ჩინოვნიკი დასჯილიყოს ქვეყანაში და ევროპა, მსოფლიო მთლიანად, ჩვენი ძირითადი პარტნიორიც ამერიკის შეერთებული შტატებიც, აბსოლუტურად დადებითან აფასებენ დემოკრატიული მიმართულებით საქართველოს განვითარების პროგრესს. დემოკრატიული ინსტიტუტების , დემოკრატიული ღირებულებების მხრივ ნახტომები გავაკეთეთ 4 წლის განმავლობაში",-აღნიშნა ბიძინა ივანიშვილმა.