ვიზალიბერალიზაცია - საქართველოს საკითხი დღის წესრიგში არ იქნა გათვალისწინებული

პოლიტიკა - 12:48, 22 Sep, 2016

3909

ევროპის საბჭოს ფარგლებში საქართველოს ვიზალიბერალიზაციის საკითხის გუშინ დაგეგმილი განხილვა არ შედგა. საქართველოს საკითხი დღის წესრიგში არ იქნა გათვალისწინებული. საქართველოს საგარეო საქმეთა მინისტრის მოადგილის გიგი გიგიაძის განცხადებით ამის მიზეზი ე.წ. შეჩერების მექანიზმთან დაკავშირებით შეუთანხმებლობა გახდა, რომელთანაც საქართველოს ვიზალიბერალიზაციის საკითხი მჭიდროდ არის დაკავშირებული:

„იმედი გვაქვს, რომ უახლოეს მომავალში ჩვენი საკითხი ისევ დღის წესრიგში დადგება. ვფიქრობთ, ეს მიმდინარე თვის ბოლომდე მოხდება. სამწუხაროდ, ისევ ვერ ხერხდება საბოლოო გადაწყვეტილების მიღება ე.წ. შეჩერების მექანიზმთან დაკავშირებით, რომელთანაც საქართველოს საკითხი არის ძალიან მჭიდროდ დაკავშირებული. იმედი გვაქვს, რომ როგორც კი იქნება კონკრეტული გადაწყვეტილება მიღებული ე.წ. შეჩერების მექანიზმთან მიმართებაში, დაუყოვნებლივ მოხდება საქართველოს საკითხის განვითარება. ჩვენ მიგვაჩნია, რომ სრულიად მარტივად იყო შესაძლებელი საქართველოსთან მიმართებაში ცალკე პროცესის გაგრძელება, ანუ ყველანაირი მიბმის და დაკავშირების გარეშე ჩვენთან მიმართებით პროცესის დასრულება, მაგრამ, სამწუხაროდ, ეს გადაწყვეტილება არ იქნა მიღებული“, - განაცხადა გიგიაძემ.