ვახტანგ მაჭავარიანი პოლიტიკურ პარტიებს მიმართავს წარმოადგინონ პროგრამა ვეტერანთა პრობლემების მოგვარების შესახებ

პოლიტიკა - 11:58, 22 Sep, 2016

1699

„ირაკლი ალასანია - თავისუფალი დემოკრატების“ გლდანის მაჟორიტარი დეპუტატობის კანდიდატმა ვახტანგ მაჭავარიანმა პარტიის ოფისში გამართულ ბრიფინგზე კიდევ ერთხელ ისაუბრა ვეტერანთა პრობლემებზე და მიმართა პოლიტიკურ პარტიებს, დაუყოვნებლივ წარმოადგინონ მათი საარჩევნო პროგრამის ის ნაწილი, რომელიც ეთმობა ვეტერანთა პრობლემების მოგვარების საკითხებს. ვახტანგ მაჭავარიანმა ბრიფინგზე მოუწოდა „ქართული ოცნების “მაჟორიტარი დეპუტატობის კანდიდატს კობა კობალაძეს, გიორგი ბარამიძეს - ,,ნაციონალური მოძრაობიდან“ და სხვა პოლიტიკურ პარტიებს , უახლოეს მომავალში წარმოადგინონ პროექტები და მათი პარტიის ხედვები აღნიშნულ თემაზე.

,,ჩვენ, ,, თავისუფალმა დემოკრატებმა“, პირველებმა წარმოვადგინეთ საკანონმდებლო პროექტი, სადაც გათვალისწინებულია ის ცვლილებები, რომელიც ვეტერანთა შესახებ კანონში უნდა განხორციელდეს. კანონპროექტით განსაზღვრულია სახელმწიფო პოლიტიკა ვეტერანების მიმართ და ის შეღავათები, რომლებიც სოციალურ საკითხებს მოიცავს. ჩვენ უკვე მივმართეთ პოლიტიკურ ოპონენტებს დაუყოვნებლივ წარმოედგინათ ომის ვეტერანებისთვის ღირსეული პროგრამა. თუმცა ჩვენს მოწოდებას რეაგირება ჯერ არ მოჰყოლია. მივმართავ ბატონ დავით თევზაძეს - "საქართველოს მშვიდობისათვის", ბატონ გიორგი ბერძენიძეს - ,,პატრიოტთა ალიანსი“, ბატონ კობა კობალაძეს - ,,ქართული ოცნება“ და ბატონ გიორგი ბარამიძეს - ,,ნაციონალური მოძრაობა“, უახლოეს მომავალში წარმოადგინონ პროექტები და მათი პარტიის ხედვები აღნიშნულ თემაზე. ამ ადამიანებმა კარგად იციან ვეტერანთა პრობლემები, იციან, რამდენად მნიშვნელოვანია ამ სოციალური ჯგუფისათვის რომ პოლიტიკურმა ძალებმა მათ და მათ პრობლრემებს ჯეროვანი ყურადღება მიაქციონ. სწორედ ამიტომ, ვიწვევ მათ დებატებზე ამ პროექტების განსახილველად. ეს, ვეტერანებს მისცემს საშუალებას განსაზღვრონ პერსპექტივები, რომლებიც მათ სწორი არჩევნის გაკეთებაში შეუწყობს ხელს“, - განაცხადა ვახტანგ მაჭავარიანმა.