"ნინო ბურჯანაძე-დემოკრატიული მოძრაობამ" რუსთავის მაჟორიტარულ ოლქში წარდგენილი ნუკრი შათირიშვილის კანდიდატურა მოხსნა. ამასთან დაკავშირებით პარტიამ საგანგებო განცხადება გაავრცელა

"ნინო ბურჯანაძე-დემოკრატიული მოძრაობა", როგორც პასუხისმგებლობის მქონე ორგანიზაცია მოქალაეების, ამომრჩევლებისა და მხარდამჭერების წინაშე, ყურადღებით აკვირდება პარტიის აქტივისტებისა და მაჟორიტარი დეპუტატობის კანდიდატების საქმიანობას. ქ.რუსთავში, ჩვენი აქტივისტების მიერ გამოვლენილ იქნა სამწუხარო ფაქტი - ბატონი ნუკრი შათირიშვილს მიერ ერთ-ერთ პოლიტიკურ ძალასთან გარიგებაში შესვლის მცდელობა. პარტიის მთავარი საბჭოს გადაწყვეტილებით ნუკრი შათირიშვილის კანდიდატურა დაუყოვნებლივ მოიხსნა შესაბამის მაჟორიტარულ ოლქში.

"ნინო ბურჯანაძე - დემოკრატიული მოძრაობა" მომავალშიც უმკაცრეს კონტროლს განახორციელებს მსგავსი არაკეთილსინდისიერი და ფარული გარიგებისაგან ამომრჩევლის მაქსიმალურად დასაცავად.