„პაატა ბურჭულაძის მოძრაობა: სახელმწიფო ხალხისთვის“ მესტიის შტაბის სრულმა შემადგენლობამ დატოვა

პოლიტიკა - 16:41, 21 Sep, 2016

2476

„პაატა ბურჭულაძის მოძრაობა – სახელმწიფო ხალხისთვის“ მესტიის ოფისმა ფუნქციონირება შეწყვიტა. ამის შესახებ ინფორმაციას ადგილობრივი ორგანიზაციის უკვე ყოფილი აღმასრულებელი მდივანი ნოდარ საბანიძე ავრცელებს. მისი თქმით პარტია 60-მა წევრმა და კოორდინატორმა დატოვა, მიზეზად კი საბანიძე ბურჭულაძის და ყოფილი ნაციონალების გაერთიანებას ასახელებს:

„პაატა ბურჭულაძის პარტია დავტოვეთ ერთადერთი მიზეზით, ბატონი პაატას დიდი ნდობიდან და ავტორიტეტიდან ფაქტიურად არაფერი დარჩა, ის სამწუხაროდ გარიგებაში შევიდა იმ ხალხთან ვინც ჩვენთვის მიუღებელია. ჩვენ გვეგონა, რომ ის იქნებოდა სუფთა ფიგურა პოლიტიკაში, მაგრამ მისი ბოლოდროინდელი განცხადებები და ქმედებები ჩვენთვის მიუღებელია, ამიტომაც, საარჩევნო შტაბის წევრებმა, პარტიის წევრებმა, ადგილობრივმა ხელმძღვანელებმა და კოორდინატორებმა მივიღეთ ერთობლივი გადაწყვეტილება, რომ დავტოვოთ ეს მოძრაობა. ბურჭულაძის პარტია მესტიაში აღარ არსებობს“ – განაცხადა ნოდარ საბანიძემ.

საბანიძის განცხადებით მათზე ზეწოლა არ განხორციელებულა და პარტიიდან წასვლის მიზეზი იმ ცვლილებების მიუღებლობა გახდა, რაც ბოლო დროს პარტიაში განხორციელდა. მისი თქმით ისისნი არცერთ პარტიაში გადასვლას არ გეგმავენ.