სოციალურ ქსელში საკმაოდ პოპულარული გიორგი ქისტაური, რომელმაც სკანდალური პაროდისტული ვიდეოებითა და ფოტოებით მოიპოვა ნიჭიერი კომიკოსის სახელი, საცხოვრებლად კვლავ უცხოეთში გაემგზავრა. „არ მინდა ვინმეს ეგონოს რომ გავრბივარ საქართველოდან, უბრალოდ აქ მივხვდი, რომ გასაქანი არ გაქვს კარიერული წინსვლის მხრივ“, - წერს გიორგი ქისტაური „ფეისბუქის“ პირად გვერდზე.

გიორგი ქისტაური: „ძალიან გული მწყდება რომ ჩემი ქალაქიდან მიწევს წასვლა, ჩემი თბილისიდან, ადგილიდან რომელიც ძალიან მიყვარს და ყველაზე კარგად ვგრძნობ თავს, ეს ის ადგილია სადაც იმდენი ცუდია რამდენიც კარგი, აქ ძალიან ბევრი მაგარი მოგონება მრჩება, ბევრი მეგობარი, ბევრი საყვარელი ადგილი, მომენატრება აქაური გართობა, გართობა რომელსაც ვერსად ვეღარ ვნახავ მსგავსს, სუნი, ამ ქალაქის ჩახუთული მაგრამ სასიამოვნო სუნი.
ჩემი მეგობრები, რამდენი ახალი მეგობარი შევიძნე ამ ერთი წლის განმავლობაში, რაც ძალიან მიხარია, მიყვარხართ ძალიან ...
არ მინდა ვინმეს ეგონოს რომ გავრბივარ საქართველოდან, უბრალოდ აქ მივხვდი, რომ გასაქანი არ გაქვს კარიერული წინსვლის მხრივ, მინდა ვაკეთო ის რასაც ვაკეთებდი ყოველთვის და ამ ყველაფერს ჩასვლის დღიდანვე დავუბრუნდები ...
მომენატრება ყველაფერი რაც ამ ქვეყანასთან მაკავშირებს, ყველა ქუჩა ...
ძალიან ბედნიერი ვარ, დედა რამდენიმე საათში ისევ შენთან ვიქნები და ისევ ჩაგეხუტები.
დროებით თბილისო!“