"მემორანდუმის აუცილებლობა არ უნდა დამდგარიყო, ცუდი ფაქტია"- ბიძინა ივანიშვილი

პოლიტიკა - 12:35, 21 Sep, 2016

1357

მმართველი გუნდის მიერ ოპონენტებისთვის შეთავაზებული მშვიდობის მემორანდუმის ტექსტი დღეს გახდა ცნობილი. საარჩევნო სუბიექტებს მემორანდუმი დღესვე გაეგზავნებათ და გადაწყვეტენ, შეუერთდებიან თუ არა მემორანდუმის მოთხოვნებს.
მემორანდუმი მოუწოდებს პარტიებს უარი თქვან საარჩევნო პერიოდში კონტრაქციებზე და პროვოკაციებზე.
აღნიშნულის შესახებ კომენტარი საქართველოს ყოფილმა პრემიერ-მინისტრმა ბიძინა ივანიშვილმაც გააკეთა. მისი განცხადებით, ცუდია, რომ ასეთი მემორანდუმის შემუშავება გახდა საჭირო და იმედი გამოთქვა, რომ საარჩევნო სუბიექტები მას შეუერთდებიან:
„კარგი იქნება თუ ხელს მოაწერენ, თუმცა, ამის აუცილებლობა არ უნდა დამდგარიყო. თვითონ ფაქტი, რომ ხდება ასეთი მემორანდუმის აუცილებლობა, არის ცუდი და მომავალში უნდა ვიფიქროთ, რომ აღარ დადგეს ამის საჭიროება. მე ვფიქრობ, რომ წინა ხელისუფლების მმართველობის ცუდი დანატოვარია და მათივე აგრესიული გამოვლინებებია ძირითადად დაპირისპირება, ერთი გუნდი ატარებს აქციას, მიდიან სხვები და ცდილობენ არევას. მე მახსოვს, როდესაც პოლიტიკაში მოვედით, საშუალება არ გვქონდა, გავსულიყავით მოსახლეობასთან შეხვედრებზე. ჰყავდათ ე.წ. ზონდერები, რომლებიც ხშირად მუშტი-კრივში გადადიოდა“, - განაცხადა ბიძინა ივანიშვილმა.
შეგახსენებთ, რომ „ქართული ოცნების“ აღმასრულებელი მდივნის ირაკლი კობახიძის განცხადებით მემორანდუმს არავითარი იურიდიული ძალა არ აქვს, თუმცა მისი ხელმოწერის შემთხვევაში, საარჩევნო სუბიექტები აიღებენ პოლიტიკურ პასუხისმგებლობას.