„ქართული ოცნების“ მშვიდობის მემორანდუმის ტექსტი ცნობილია

პოლიტიკა - 12:14, 21 Sep, 2016

2013

მმართველი გუნდის მიერ შემუშავებული მშვიდობის მემორანდუმის ტექსტი ცნობილია. აღნიშნულის შესახებ დღეს „ქართული ოცნების“ ოფისში ბრიფინგი პარტიის აღმასრულებელმა მდივანმა - ირაკლი კობახიძემ გამართა. მემორანდუმის ტექსტში ნათქვამია:

„ჩვენ 2016 წლის საპარლამენტო არჩევნებში მონაწილე სუბიექტები ვაცნობიერებთ, რომ არჩევნების მშვიდობიანად ჩატარება საქართველოში არის დემოკრატიის განვითარებისა და პოლიტიკური სისტემის კონსოლიდაციის აუცილებელი პირობა, ვაცნობიერებთ რა, რომ საარჩევნო სუბიექტის მიერ სხვა საარჩევნო სუბიექტის წინააღმდეგ კონტრაქციის მოწყობა ქმნის ძალადობის პროვოცირების განსაკუთრებულ საფრთხეს, ვთანხმდებით, რომ უზრუნველვყოფთ ჩვენი აქტივისტების დისტანცირებას, სხვა საარჩევნო სუბიექტის მიერ ან მის მხარდასაჭერად გამართული აქციისგან, შეხვედრისგან ან სხვა ასეთი სახის ღონისძიებისგან და მივიღებთ ყველა ზომას, რათა არ დავუშვათ ჩვენი აქტრივისტების მიერ საარჩევნო სუბიექტის მიერ გამართული ღონისძიების ხელშეშლა. წინამდებარე შეთანხმება ვრცელდება მთელ საარჩევნო პერიოდზე, არჩევნების საბოლოო შემაჯამებელი ოქმის გამოქვეყნებამდე“, - ნათქვამია მემორანდუმში.