შეხვედრები იმერეთში- პაატა ბურჭულაძემ ჭიათურის მოსახლეობას მაჟორიტარობის კანდიდატი თემურ გვალია წარუდგინა

პოლიტიკა - 15:17, 20 Sep, 2016

1951

მოძრაობა „პაატა ბურჭულაძე სახელმწიფო ხალხისთვის“ წინა საარჩევნოდ ქვეყნის მაშტაბით შეხვედრებს განაგრძობს. ამჯერად პაატა ბურჭულაძე გუნდთან ერთად საჩხერეს, ბაღდათს თერჯოლას და ჭიათურას ესტუმრა. ჭიათურაში პაატა ბურჭულაძემ მოსახლეობას მაჟორიტარობის კანდიდატი თემურ გვალია გააცნო. შეხვედრაზე პარტიის ლიდერებმა ადგილობრივებს ის ეკონომიკური და სოციალური პროგრამა გააცნეს რაც ქვეყანაში გაჭირვების დონეს საგრძნობლად შეამცირებს და სოციალურად დაუცველებს დახმარებას გაუზრდის. პარტიის პროგრამის მიხედვით სოციალურად დაუცველ მოსახლეობას დახმარება გარანტირებულად შეუნარჩუნდებათ 4 წელი და დაუფინანსდებათ მედიკამენტების შესყიდვა.

“ჭიათურაში უამრავი პრობლემაა. მათ შორის უმთავრესი ეკოლოგიური და სასმელი წყლის პრობლემაა. წვიმიანობის დროს მთის მომწამვლელი ნალექი სასმელ წყალს ერევა და საშიში ხდება მოსახლეობისთვის. ასევე შესაცვლელია მაღაროელების საცხოვრებელი პირობები და ჩვენ მათ სპეციალური პირობები უნდა შევთავაზოთ. ასევე არ შეიძლება მანგანუმით დატვირთული გადამზიდი მანქანები ქალაქის ცენტრალური გზით სარგებლობდნენ, რადგან ყველა კვლევის მიხედვით ჭიათურაში გახშირდა სხვა და სხვა საშიში დაავადებები.“- განაცხადა პაატა ბურჭულაძემ.