პარტიზანი მებაღეების უფროსმა ნატა ფერაძემ გუშინ განაცხადა, რომ ყაზბეგის გამზირზე ხეების მოჭრასთან დაკავშირებით გაცემულ ბრძანებაზე ნინო სულხანიშვილის ხელმოწერა გაყალბებული იყო. „კურიერთან“ საუბრისას ნინო სულხანიშვილი აცხადებს, რომ ნებართვა კანონის სრული დაცვით იყო გაცემული და მისი ფაქსიმილია არ გაყალბებულა:

„ნებართვა გაიცა კანონის სრული დაცვით. ანუ იმ დასკვნის საფუძველზე, რომელიც წარმოადგინა უფლებამოსილმა ორგანიზაციამ. ჩვენ სამწუხაროდ არ გვაქვს შესაძლებლობა გადავამოწმოთ თვითონ დასკვნის სისწორე. ანუ დასკვნის სისწორეზე არ აგებს სამსახური პასუხს, ასეთია კანონმდებლობა დღეს. ჩემი ფაქსიმილია არ იყო გამოყენებული, ხელი აქვს მოწერილი მოადგილეს. თავისი ხელმოწერით არის ნებართვა გასული, ფაქსიმილია არავის გამოუყენებია,“-განაცხადა ნინო სულხანიშვილმა.