დღეს უზენაეს სასამართლოში პლენუმის დახურული სხდომა უნდა გაიმართოს, რომელზეც საკონსტიტუციო სასამართლოს მოსამართლის არჩევა მოხდება. გავრცელებული ინფორმაციით, უზენაესი სასამართლოს სავარაუდო რჩეული საკონსტიტუციო სასამართლოს იურიდიული დეპარტამენტის მოქმედი ხელმძღვანელი თემურ ტუღუშია. კანდიდატურებს უზენაესი სასამართლოს პლენუმი 12:00 საათზე განიხილავს.

საქართველოს საკონსტიტუციო სასამართლო 9 მოსამართლისაგან შედგება. სასამართლოს სამ წევრს ნიშნავს საქართველოს პრეზიდენტი, სამ წევრს ირჩევს საქართველოს პარლამენტი, სამ წევრს ნიშნავს საქართველოს უზენაესი სასამართლო. ამ მომენტისთვის ვადა 3 მოსამართლეს გასდის, პრეზიდენტმა საკონსტიტუციო სასამართლოს მოსამართლედ ირინა იმერლიშვილი შეარჩია, პარლამენტის თავმჯდომარის რჩეული ზაზა რუხაძე გახდა.