საქართველოს მესამე პრეზიდენტი და ამჟამად ოდესის გუბერნატორი მიხეილ სააკაშვილი ახალი სერიალის "ჰეროკრატიის" რეიტინგს ფეისბუკზე ეხმაურება. სააკაშვილი "რუსთავი2"-ის გენერალური დირექტორის ნიკა გვარამიას ფეისბუკპოსტს აზიარებს რეიტინგებთან დაკავშირებით და წერს, რომ ის ფული რაც ხაინდრავას მიერ სერიალის გადაღებისთვის დაიხარჯა, უმჯობესი იქნებოდა თავისი მომხრეებისთვის მაინც დაერიგებინათ:

"უი, 5%-ზე ჩამოსულა ჩემზე გადაღებული საშინელებათა პორნოფილმი. ეს ნიშნავს, რომ მხოლოდ ყოველი მე-20 ტელემაყურებელი იწუხებს თავს მისი ყურებით. ოლიგარქმა სასწრაფოდ ახალი კომპრომატი უნდა "გააძროს" "ოცნების" დარჩენილი ელექტორატის მობილიზაციისათვის. ისე, ეს 40 მილიონი თუნდაც საკუთარი მომხრეებისათვის რომ დაერიგებინა, ეგეც მადლი იქნებოდა.

ჩვენი პერიოდი, საქართველოს ისტორიაში, დარჩება როგორც სწრაფი მოდერნიზაციის, აღმშენებლობისა და თანამედროვე სახელმწიფოს შექმნის ეპოქა. ბოლო 4 წლის გაუგებრობა, კი მართლაც, როგორც რუსები იტყვიან ХЕРократия იყო."- წერს მიხეილ სააკაშვილი.