2016 წლის 20 სექტემბერს, 12 საათზე, აღმაშენებლის 61-ში, „საერთაშორისო გამჭვირვალობა-საქართველო" წარმოადგენს ანგარიშს, რომელიც მიმოიხილავს უკანასკნელი ოთხი წლის განმავლობაში მართლმსაჯულების სისტემაში დაგეგმილ და განხორცილებულ მნიშვნელოვან ცვლილებებს.

ანგარიში მოიცავს 2012 წლის ოქტომბრიდან 2016 წლის აგვისტოს ბოლომდე პერიოდს და შესაბამისად თითქმის მთლიანად ემთხვევა საპარლამენტო არჩევნებს შორის დროის მონაკვეთს. ანგარიში აერთიანებს იმ ძირითად მიგნებებს, რაც ამ ხნის მანძილზე „საერთაშორისო გამჭვირვალობა-საქართველოსა” და სხვა ორგანიზაციების მიერ ჩატარებულმა კვლევებმა და შეფასებებმა გამოავლინა. მათ შორისაა: სასამართლო სისტემის რეფორმის მიზნით განხორციელებული საკანონმდებლო ცვლილებებისა და არსებული ნორმატიული ბაზის შეფასება, სასამართლოებში საქმეთა განხილვის მონიტორინგის შედეგები, საკონსტიტუციო სასამართლოს ირგვლივ განვითარებული მოვლენებისა და მაღალი საჯარო ინტერესის მქონე საქმეების ანალიზი.