"თუ ივანიშვილი უსაფუძვლო ბრალდებებს არ დაასრულებს, საზოგადოებას მტკიცებულებებს წარვუდგენთ"- ბერძენიშვილი

პოლიტიკა - 12:05, 19 Sep, 2016

2230

საქართველოს „რესპუბლიკური პარტიის“ ერთ-ერთი ლიდერის ლევან ბერძენიშვილის თქმით თუ ბიძინა ივანიშვილი მათი პარტიის წევრების წინააღმდეგ უსაფუძვლო ბრალდებებს არ დაასრულებს, საზოგდაოებას მტკიცებულებებს წარუდგენენ. როგორც ბერძენიშვილი აცხადებს, ივანიშვილის მიერ "რესპუბლიკურ პარტიასთან" და დავით უსუფაშვილთან დაკავშირებით გაკეთებული განცხადებები სიცრუეა:

„ივანიშვილის წინააღმდეგ ფრონტი ჩვენ არ გაგვიხსნია, პირველად მან გახსნა ცეცხლი, როდესაც მის მიერ წარმატებულ მნიშვნელოვან ფიგურად აღირებული უსუფაშვილი გააკრტიკა. მეტიც, ერთი-ორჯერ უსუფაშვილი უხამსი სიტყვებით მოიხსენია. იმედი მაქვს, ამას მალე გაიაზრებს და ბოდიშსაც მოიხდის. დეტალურად აგიხსნით - 2015 წლის თებერვალში ივანიშვილმა მე და უსუფაშვილს დილის ცხრა საათზე შეხვედრა დაგვინიშნა. როდესაც მივედით, გვითხრა, პრემიერ-მინისტრის პოსტზე დავით უსუფაშვილს გთავაზობთო. ჩვენი უარის მიზეზი კი ის იყო, რომ ივანიშვილისგან პროცესებში ფორმალურად დაბრუნებაზე ნეგატიური პასუხი მივიღეთ. თუ ივანიშვილი პოლიტსაბჭოში არ დაბრუნდებოდა, არაფორმალური მმართველობა უსუფაშვილის პრემიერობის პირობებშიც გაგრძელდებოდა, რაც პროცესებს ისევ ჩიხამდე მიიყვანდა. ვერც ”ქართული ოცნების” განახლება და კოალიციისთვის ევროპული ელფერის შემატება მოხერხდა, რაც კოალიციის დაშლით დასრულდა. ხაზგასმით ვაცხადებ, თუ ბიძინა ივანიშვილი ჩვენს წინააღმდეგ უსაფუძვლო ბრალდებებს არ დაასრულებს, საზოგდაოებას მტკიცებულებებს წარვუდგენთ”, - განაცხადა ბერძენიშვილმა.