სამეგრელოში თხილის მოსავალის უდიდესი ნაწილი ნადგურდება - ირაკლი ჩიქოვანი ხელისუფლებას რეაგირებისკენ მოუწოდებს

პოლიტიკა - 19:34, 18 Sep, 2016

3396

„ირაკლი ალასანია - თავისუფალი დემოკრატების ქალაქ ზუგდიდის მაჟორიტარი დეპუტატობის კანდიდატმა ირაკლი ჩიქოვანმა პარტიის ზუგდიდის ორგანიზაციის ოფისში დღეს ბრიფინგი გამართა, სადაც თხილის კულტურის მავნებლების შესახებ ისაუბრა, რომელმაც მოსავლის უდიდესი ნაწილი გაანადგურა. დეპუტატობის კანდიდატის განცხადებით, ამომრჩევლებთან შეხვედრისას უმთავრეს პრობლემად ადგილობრივი მოსახლეობა თხილის კულტურის დაავადებას და მოსავლის უვარგისობაზე საუბრობს. ირაკლი ჩიქოვანის განცხადებით, თხილთან ერთად დაავადებულია სხვა მცენარეული კულტურებიც. დეპუტატობის კანდიდატი მიმართავს ადგილობრივ ხელისუფლებას, დროულად მიიღონ ზომები და სწრაფი რეაგირება მოახდინონ აღნიშნულზე.

„ხელისუფლებამ უნდა წარმოადგინოს კონკრეტული სტრატეგია თუ როგორ უნდა ვებრძოლოთ მავნებლებს. თუ ახლა ამას ყურადღება არ მივაქციეთ, მომავალი წლისთვის შედეგები უფრო სავალალო გვექნება“ - აღნიშნა ირაკლი ჩიქოვანმა.

დღევანდელ ბრიფინგზე ქალაქ ზუგდიდის დეპუტატობის კანდიდატმა ირაკლი ჩიქოვანმა სოფლის მეურნეობის ყოფილ და მოქმედ მინისტრებსაც მიმართა და მათ აღნიშნული პრობლემით დაინტერესებისკენ მოუწოდა.