პროკურტურამ “ნაციონალური მოძრაობის” მარტვილი-აბაშის მაჟორიტარობის კანდიდატ ზაალ გოროზიას მეუღლეს ოლგა ჩურკანოვას, რომელიც მარტვილის N65 საოლქო საარჩევნო კომისიის მუდმივმოქმედი წევრია, ბრალი წაუყენა. მის წინააღმდეგ საქმე აღძრულია სსკ-ის 125-ე მუხლით, რაც ცემას გულისხმობს. ჩურკანოვას აგრეთვე, კომისიის წევრობის უფლებამოსილება შეუჩერდა.

აღნიშნული საარჩევნო კომისიის თავმჯდომარის, გრიგოლ ბართაიას ინფორმაციით, ჩურკანოვა სხდომაზე ნასვამ მდგომარეობაში მივიდა და შელაპარაკების ნიადაგზე კომისიის დროებითი წევრს “ქართული ოცნებიდან” ელგა ცანავას და კომისიის მდივან ნინო დანელიას სცემა.

თავად ჩურკანოვა კატეგორიულად უარყოფს როგორც ნასვამობის, ასევე ცემის ფაქტს და აცხადებს, რომ ეს არის მიზანმიმართული პროვოკაცია. მისი თქმით, იგი დაახლოებით 20 დღის წინ, საღამოს 9 საათზე საოლქო საარჩევნო კომისიის შენობბის ოთახში შეესწრო სიის გადაწერის ფაქტს. მან როგორც კომისიის მუდმივმოქმედმა წევრმა მოითხოვა, რომ მისთვის გაეცნოთ თუ რა სახის სიაზე მიდიოდა მუშაობა, თუმცა ,მას ამის უფლებვა არ მისცეს, რის შემდეგადაც მან სია კომისის თავმჯდომარის თანდასწრებით, კომისიის მდივნისა და "ქართული ოცნების დროებითი წევრისაგან მოიპოვა. როგორც აღმოჩნდა, ეს იყო იმ ადამიანების სია, რომელიც საოლქო საარჩევნო კომისიას მარტვილის საუბნო კომისიებში დროებით წევრებად უნდა დაენიშნა. ჩურკანოვას თქმით ეს სია სუსის მიერ იყო შედგენილი. როგორც შემდგომში გაირკვა, კომისიამ სწრედ სიაში მყოფი ადამიანები დანიშნა ამ თანამდებობებზე. ეს სია ჩურკანოვას განცხადებით, მან ცესკოს თავმჯდომარეს გადაუგზავნა, თუმცა ამ ფაქტს რეაგირება არ მოჰყოლია.

ჩურკანოვა აცხადებს, რომ "ქართული ოცნება" არჩევნების გაყალბებისთვის ემზადება და სწორდ ამ მიზნით მოხდა მისთვის კომისიის წევრობის შეჩერება.

ჩურკანოვას ადვოკატის განცხადებით კი, ჩურკანოვა უდანაშაულოა და ექსპერტიზის დასკვნის მიხედვით სხეულზე დაზიანებები არა ნინო დანელიას, არამედ თავად ჩურკანოვას აღენიშნება.