,,არცერთ პოლიტიკურ პარტიას არ ვხედავ ისეთად, რომ დესტაბილიზაცია გამოიწვიოს“

,,არცერთ პოლიტიკურ პარტიას არ ვხედავ ისეთად, რომ დესტაბილიზაცია გამოიწვიოს“ - პრეზიდენტი

პოლიტიკა - 19:58, 17 Sep, 2016

1685

ნებისმიერ პოლიტიკურ ძალაში არსებობენ ადამიანები, რომლებიც განწყობილნი არიან დესტაბილიზაციისკენ, ან აგრესიისკენ - ამის შესახებ გიორგი მარგველაშვილმა ტვ პირველის ეთერში განაცხადა. თუმცა პრეზიდენტი მიიჩნევს, რომ დღეს არცერთ პოლიტიკურ ძალაში არ ხედავს დესტაბილიზაციის გამომწვევს, თუმცა მიაჩნია, რომ სახელმწიფომ უნდა აკონტროლს სხვადასხვა ტიპის ,,თავქარიანი ჯგუფები“.

,,ნებისმიერი პოლიტიკური ჯგუფუ არაერთგვაროვანია, მასში არიან მშვიდი ადამიანები და არიან თავქარიანი, ერთხელ მე ვახსენე, მოძველბიჭო ელემენტებიც. სრულიად შესაძლებელია, რომ ასეთი დინამიკა არსებობდეს ახლაც. მე არაერთხელ გამიკეთებია განცხადება, რომ ნებისმიერ ძალადობას რომელიც პოლიტიკურ პროცესში გამოვლინდება სჭირდება პრინციპული და ადეკვატური პასუხი, ამისთვის არაერთხელ გამივლია ხაზი. მე ვაცხადებდი, რომ თუ არ იქნება ადეკვატური პასუხი, ჩვენ გარკვეულწილად ხელს შევუწყობთ და წავახალისებთ იმ პოლიტიკურ პარტიებშივე ასეთი ტიპების წინ წამოწევას. ჩვენ პოლიტიკური სტაბილურობა იმით უნდა ვუზრუნველყოთ, რომ მშვიდ, მოაზროვნე პოლიტიკოსებს მივცეთ შესაძლებლობა, რომ შიგნით არ გაჩნდნენ ადამიანები, რომლებიც იფიქრებენ, რომ პოლიტიკა არის მუშტი-კრივი. არცერთ პოლიტიკურ პარტიას არ ვხედავ ისეთად, რომ დესტაბილიზაცია გამოიწვიოს და არც ბრალს ვდებ. მაგრამ სახელმწიფო უნდა შეეცადოს, რაღაცა ტიპის თავქარიანი დაჯგუფებების გაკონტროლებას“ - ამბობს მარგველაშვილი.