ერთობლივი ეგზიტპოლები - აღნიშნულ ინიციატვას არაერთგვაროვანი რეაქცია და გარკვეული პოლიტიკური პარტიებისაგან კრიტიკაც მოჰყვა. ოპოზიციური პარტიების უმრავლესობა ერთობლივ ეგზიტპოლებს უნდობლობას უცხადებს. ასევე, არასამთავრობო ორგანიზაციებმა საზოგადოებრივ მაუწყებელს მიმართეს წერილით, უარი თქვას ერთობლივ ეგზიტპოლებში მონაწილეობაზე.

კომპანია საზოგადოებრივი აზრისა და მარკეტინგული კვლევის ცენტრ "გორბის" ხელმძღვანელი არსებულ ვითარებაზე კომენტარს აკეთებს:

„თქვენ თუ საუბრობთ ნიკა ნათელაშვილსა და შალვა გვარამიაზე, მაშინ ერთ რამეს ვიტყვი, მე ისევე როგორც თბილისელები, ყოველთვის ტოლერანტულად ვართ განწყობილები ქალაქის კოლორიტების მიმართ თუ ისინი საზოგადოებრივ წესრიგს არ არღვევენ. მათი გამონათქვამები, ბოდიში, არასერიოზულია.

პირველი სტატია არის 1990 წელს ჩვენს მონაცემებზე დაყრდნობით, რომელიც კედელზეა. რამდენიმე ასეთივე სტატია სადაც ჩვენ გვლანძღავენ, გვაბრალებენ შევარდნაძეზე მუშაობას, სააკაშვილზე, ახლა ბიძინა ივანიშვილზე. ის ხალხი, ვინც გვაბრალებს ზოგი აღარაა, ზოგი გარდაიცვალა, ზოგი დეპუტატია, ზოგი ვერ ჩამოდის საქართველოში, ჩვენ 27 წელია აქ ვმუშაობთ,“ - განაცხადა მერაბ ფაჩულიამ.