ფინანსთა მინისტრი ნოდარ ხადური, ამერიკის შეერთებულ შტატებში ვიზიტის ფარგლებში, მსოფლიო ბანკის ვიცეპრეზიდენტ სირილ მიულერმსა და სავალუტო ფონდის განმკარგულებელი დირექტორის მოადგილეს, ტაო ჟანგს შეხვდა

მხარეებმა იმსჯელეს საქართველოსა და საერთაშორისო სავალუტო ფონდს შორის მიმდინარე და მომავალი თანამშრომლობის საკითხებზე.

შეხვედრაზე ფინანსთა მინისტრმა ისაუბრა ქვეყნაში მიმდინარე პოლიტიკურ და ეკონომიკურ პროცესებზე, მთავრობის მიერ განხორციელებულ და დაგეგმილ რეფორმებზე. ბატონმა ჟანგმა დააფიქსირა საქართველოსადმი სსფ-ის მხარდაჭერა გამოწვევებთან ბრძოლის გზაზე და ახალი რეფორმების გატარების პროცესში.

შეხვედრას ქართული მხრიდან, ასევე, დაესწრნენ ფინანსთა მინისტრის მოადგილე დავით ლეჟავა, ეკონომიკისა და მდგრადი განვითარების მინისტრის მოადგილე ნიკოლოზ გაგუა, აშშ-ში საქართველოს საელჩოს დესპანი გიორგი ციკოლია.

საქართველოსა და მსოფლიო ბანკის თანამშრომლობის საკითხები განიხილეს ფინანსთა მინისტრმა, ნოდარ ხადურმა და მსოფლიო ბანკის ვიცეპრეზიდენტმა, სირილ მიულერმა.

მხარეებმა იმსჯელეს საქართველოში მსოფლიო ბანკის მიერ მხარდაჭერილი პროექტების მიმდინარეობაზე, აგრეთვე, ქვეყანაში სტრუქტურული რეფორმების გაგრძელების მნიშვნელობაზე.

ფინანსთა მინისტრმა და მსოფლიო ბანკის ვიცეპრეზიდენტმა საქართველოსა და მსოფლიო ბანკს შორის არსებული თანამშრომლობა სამაგალითოდ შეაფასეს და მისი შემდგომი გაღრმავების იმედი გამოთქვეს.