ეთნიკური უმცირესობება საარჩევნო ადმინისტრაციაში არასაკმარისადაა წარმოდგენილი

ეთნიკური უმცირესობება საარჩევნო ადმინისტრაციაში არასაკმარისადაა წარმოდგენილი - IRI

პოლიტიკა - 15:57, 15 Sep, 2016

985

საერთაშორისო სადამკვირვებლო ორგანიზაციის, “საერთაშორისო რესპუბლიკური ინსტიტუტის” (IRI) დაკვირვებით, ცენტრალურმა საარჩევნო კომისიამ გადადგა აქტიური ნაბიჯები, შეზღუდული შესაძლებლობების მქონე პირთათვის საარჩევნო უბნების ხელმისაწვდომობის გასაუმჯობესებლად.
"მიუხედავად იმისა, რომ IRI-ს დამკვირვებლები იღებენ არაოფიციალურ საჩივრებს (არა ცესკო-ში წარდგენილი) საარჩევნო უბნების ხელმისაწვდომობასთან დაკავშირებით, IRI-ს დამკვირვებლები აღნიშნავენ, რომ ცესკომ განახორციელა მნიშვნელოვანი ძალისხმევა, საარჩევნო უბნების შშმ პირებისათვის ხელმისაწვდომობის გაუმჯობესების მიზნით. ცესკომ გადადგა ნაბიჯები, რათა მომხდარიყო სმენა და მხედველობა დაქვეითებული ამომრჩევლების არამხოლოდ შესაბამისად უზრუნველყოფა საარჩევნო უბნებზე, არამედ მათი ხმების ფარულობის შენარჩუნება. ამომრჩევლები, რომლებსაც ნაწილობრივ დაქვეითებული მხედველობა აქვთ, უზრუნველყოფილნი იქნებიან გამადიდებელი შუშით, რათა უკეთ შეძლონ წაკითხვა. ხოლო ამომრჩევლებს სრულად დაქვეითებული მხედველობით უფლება ექნებათ, კენჭისყრის კაბინაში შეიყვანონ შემდგომი ამომრჩეველი მათთვის ხმის მიცემის პროცესში დასახმარებლად. საერთო ჯამში, ცესკო-მ განახორციელა 14 პროაქტიური ძალისხმევა შშმ პირებისათვის საარჩევნო უბნების ხელმისაწვდომობის გასაზრდელად"- წერია ანგარიშში.
IRI ასევე წერს, რომ მიუხედავად იმისა, რომ გადაიდგა ნაბიჯები ეთნიკური უმცირესობების ჩართულობისთვის, ისინი კვლავ არასაკმარისად არიან წარმოდგენილნი საარჩევნო ადმინისტრაციაში.
"ორგანიზაციის გრძელვადიანი დამკვირვებლები გამოხატავენ შეშფოთებას ეთნიკური უმცირესობების ხელმისაწვდომობასთან დაკავშრებით. რიგმა პოლიტიკურმა პარტიებმა აღნიშნეს აზერბაიჯანული თემის უფრო მეტი ჩართულობა წინა არჩევნებთან შედარებით, რაც გამოიწვია საქართველოს ხელისუფლების მხრიდან საარჩევნო მასალები აზერბაიჯანულ ენაზე დაბეჭდვამ. თუმცა, აღსანიშნავია რომ საარჩევნო კომისიებში უმცირესობები მცირედ არიან წარმოდგენილნი. მაგალითად: აზერბაიჯანულ (მარნეული მოსახლეობის 83 % არის აზერბაიჯანელი, დმანისი - 67 %, ბოლნისი - 66 %, გარდაბანი - 44 %) და სომხურ (წალკა - 55 %) ოლქებში. ეთნიკურად სომხურ თემებში არსებობს შეხედულება, რომ საქართველოს ხელისუფლება არ წარმოადგენს მათ ინტერესებს. ეს გამოიხატება დასაქმების შესაძლებლობების სიმცირეში, ჯანდაცვის ხელმიუწვდომლობასა და ხმის მიცემის უფლების არქონაში (საქართველოს მოქალაქოების არქონის გამო). ამჟამად 5000-დან 8000-მდე ეთნიკურად სომეხი ვერ აძლევს ხმას საქართველოს მოქალაქეობის არქონის გამო"- აღნიშნულია ანგარიშში.

IRI-მ დღეს, გამოაქვეყნა მისი გრძელვადიანი საარჩევნო დამკვირვებლების ანგარიში. ინსტიტუტის ცნობითვე, გრძელვადიანი დამკვირვებლები განაგრძობენ ამ საკითხების დოკუმენტურად ასახვას და გამოკვლევას. ისინი ითანამშრომლებენ ადგილობრივ დაინტერესებულ მხარეებთან, რათა დაადგინონ არსებული პრეტენზიების სანდოობა და გაავრცელონ ცნობა ნებისმიერი მომავალი დარღვევის შესახებ.