საქართველოს ყოფილმა პრემიერ-მინისტრმა ბიძინა ივანიშვილმა, მედიასთან წინა შეხვედრების მსგავსად რაჭაში გამართულ შეხვედრაზეც, „რესპუბლიკურ პარტიაზე“ ვრცლად ისაუბრა და მისი წევრები გააკრიტიკა. ივანიშვილი კატეგორიულად უარყოფს ფაქტს, რომს მან დავით უსუფაშვილს პრემიერობა შესთავაზა, მისი თქმით რესპუბლიკელები კარგი პარტნიორები არ ყოფილან და გუნდშიკც დაპირისპირება ძირიტადად მათ გამო ხდებოდა. ივანიშვილმა უსუფაშვილი შიდა შეხვედრების ინფორმაციების გარეთ გამოტანის გამოც გააკრიტიკა და აღნიშნა, რომ მან ამის გამო უსუფაშვილს კაცობაზეც კი მიანიშნა:

„თავში არასოდეს მომივიდოდა, რომ რესპუბლიკელებისთვის ქვეყნის მართვა შემეთავაზებინა. იმ სიტუაციაში კი, 2015 წლამდე , როდესაც საკმაოდ დაძაბული ურთიერთობა იყო გუნდში, რესპუბლიკელებიდან გამომდინარე , რადგან ისინი საკუთარ პარტიაზე გადაგებული ყველაფერ საერთოს ანგრევდნენ და არ იყვნენ კარგი პარტნიორები, როგორ წარმოუდგენია საზოგადოებას, რომ უეცრად გადავწყვიტე უსუფაშვილი გახდებოდა პრემიერი? ხომ დაინგრეოდა ქართული ოცნება და გადაირეოდა საზოგადოება? როდესაც შევიცანი, მაშინ როცა გაუპრავა პრეზიდენტს და კანონზე არ იმუშავა და აქედან მოყოლებული კარგავდნენ ჩემ თვალში ნდობას და საზოგადოებაშიც. ასეთ ალოგიკურ შეთავაზებას გაკეთებდა კაცი, რომელმაც მენეჯმენტი არ იცის, ხომ დაინგრეოდა ქვეყანა „რესპუბლიკელებისთვის“ მთავარი მენეჯმენტის ჩაბარებით? უსუფაშვილი სიცრუეში გადავიდა და მის სიცრუეზე და ზღაპრებზე ფართო განმარტებებს მომავალში აღარ გავაკეთებ. ისევე როგორც ბერძენიშვილის მხილებებზე ვერ გავაკეთებ განმარტებებს. ერთმანეთში მეომარ ქვეყნებს ერთმანეთთან შეხვედრების შიდა ინფორმაციები გარეთ არ გამოაქვთ შეუთანხმებლად , მე ერთხელ მივანიშნე უსუფაშვილს კაცობაზე და თუ ამაზე პრეტენზია არ აქვს, ეს აბსოლუტურად მიუღებელია. თუ ამით ცდილობს, რომ ხმები მიიღოს, საბოლოოდ დაკარგავს და განულდებიან.“- განაცხადა ბიძინა ივანიშვილმა.