,,ხვედელიძეს დღესაც ტკივილით ვიხსენებ, თუმცა არ დავზოგეთ“

,,ხვედელიძეს დღესაც ტკივილით ვიხსენებ, თუმცა არ დავზოგეთ“ - ივანიშვილის ფარულ ჩანაწერებზე

პოლიტიკა - 13:06, 15 Sep, 2016

2330

ფარული ჩანაწერების გამოქვეყნების შემდეგ ცოტა ხნის წინ პირველი კომენტარი გააკეთა საქართველოს ყოფილმა პრემიერ-მინისტრმა ბიძინა ივანიშვილმა.

ბიძინა ივანიშვუილი, რომელიც რაჭაში იმყოფება, ირწმუნება, რომ ფარული მოსმენების ეპოქა მისმა ხელისუფლებამ დაასრულა, მაშინ როცა ამ საქმეს მათი თანაგუნდელი გელა ხვედელიძე გადაჰყვა.

"ნიკას რაში სჭირდება ფარული მოსმენა, ისედაც დაუფარავად ლაპარაკობს ყველაფერს. ბიძინა ივანიშვილის ხელწერა თუ გახსოვთ, ხვედელიძე დაუზოგავად, დღესაც ტკივილით ვიხსენებ, ის იყო ქართული ოცნების აქტიური წევრი, თუმცა როცა ფარული ჩანაწერი გამოქვეყნდდა არ დავზოგეთ. ახალი ხელისუფლების მთავარი მონაპოვარი სწორედ ის გახლავთ, რომ ეს მიყურადებები შეწყდა. ჟურნალისტები ხართ აქ და მითხარით, ერთი ფაქტი, როდესაც ხელისუფლებამ არასანქცირებული მიყურადება განახორციელა"- აღნიშნა ყოფილმა პრემიერმა-მინისტრმა.

ბიძინა ივანიშვილი აღიარებს, რომ ფარული მოსმენების რესურსი ხელისუფლებას აქვს, თუმცა იქვე აცხადებს, რომ ეჭვს, რომ სახელმწიფო უსაფრთხოების სამსახური ახორციელებს მიყურადებას ამას მტკიცებულებები უნდა.

"როგორც ვიცი, ამერიკაში ესაუბრებოდა ერთი მეორეს, ასეთი ჩანაწერის გაკეთება მოყვარულებსაც შეუძლიათ. ყველაზე სუსტ ქვეყნებსაც შეუძლიათ მოისმინონ ეს. სხვა სახელმწიფოიები შიგნითაც მოგვისმენენ, არავითარი პრობლემა ამის არ არის, რადგან ტექნიკა ძალიან განვითარდა. ხელისუფლება კი არ უნდა დავადანაშაულოთ, მას განმარტებები უნდა მოვთხოვოთ, აქვს თუ არა მონაწილეობა მიღებული ეჭვი - კი ბატონო, რადგან რესურსები აქვთ და შესაძლებლობა გააჩნიათ"- თქვა ივანიშვილმა.