საქართველოს ყოფილი პრემიერ-მინისტრი ბიძინა ივანიშვილი რაჭის რეგიონის ჟურნალისტებს ხვდება, ივანიშვილმა „ნაციონალური მოძრაობის“ ხელისუფლების დროს ციხეებში არსებული სიტუაციის მაგალითად, ხაინდრავას ფილმი მოიყვანა:

„ტუბერკულოზს რომ ხელოვნურად „უჩალიჩებდნენ“ ხალხს, ფილმიც თუ ნახეთ, მშვენივრად ჩანს, რომ დანერგილი იყო, ჯერ ციხეში შესვლა სიკვდილად იყო, ამით აშინებდნენ ხალხს. სააკაშვილის მეუღლემ კი გაცხადებულად თქვა, რომ სააკაშვილი ის კაცია, ვისიც საქართველოს მოსახლეობას უნდა ეშინოდესო. ამ შიშსა და სიკვდილზე ჰქონდა დაფუძნებული თავისი დემოკრატია. ამას აცხადებს დღეს გვარამია, რომელიც დღეს თავისუფალ მედიას წარმოადგენს, საიდან? როგორ? არ არის სასაცილო და ღიმილის მომგვრელი“, - განაცხადა ბიძინა ივანიშვილმა.