დღეს გავრცელებულ ფარულ სატელეფონო ჩანაწერზე, სადაც ორი პირის კერძო პირის, ნიკა გვარამიასა და პაატა ბურჭულაძის საუბარია ასახული, საქართველოს იუსტიციის მინისტრი თეა წულუკიანი კომენტარს აკეთებს. მინისტრის განცხადებით, ყველამ გაიგო, რომ ტელეკომპანია რუსთავი 2 კონკრეტულ ძალას ემსახურება.

“ძალიან კარგად გაიგო და ყველა ოჯახში შევიდა, რომ „რუსთავი 2“ ემსახურება ერთ კონკრეტულ ძალას, რომელსაც ჰყავს სხვადასხვა წარმომადგენელი პარტიების თუ პოლიტიკოსების სახით. აქედან გამომდინარე არაფერი სიახლე, რომ „რუსთავი 2” იმ პოლიტიკური ძალის დაბრუნებისათვის იბრძვის ჩემთვის არ ყოფილა დღეს. ეს სურვილი ჩვენ არ გვაშფოთებს, საზოგადოებამ უნდა იცოდეს, რომ ყველა სტრუქტურა მოწოდების სიმაღლეზეა. ჩვენ საქართელოში გვაქვს სახელმწიფო, რომელიც ოთხი წელია უზრუნველყოფს იმას, რომ ქვეყანაში არის მშვდობა და სტაბილურობა და ეს ასეც გაგრძელდება”, - განაცხადა წულუკიანმა.