თბილისის საკრებულოს დამოუკიდებელი დეპუტატის ალეკო ელისაშვილის განცხადებით, მასზე მუარა ხორციელდება. „რუსთავი 2“-ის პირდაპირ ეთერში ელისაშვილმა განაცხადა, რომ ახლობლები აფრთხილებდნენ, რომლებიც მასთან მიაგზავნეს მათ შორის ქართული ოცნებიდან და ძალოვანი უწყებებიდან. მათი ვინაობა დეპუტატმა არ დააკონკრეტა.

"ივანიშვილისგან არის შენი განეიტრალების მითითება. ფრთხილად იყავი"- ციტირებს შუამავლების მიერ მიწოდებულ ინფორმაციას ელისაშვილი და ამბობს, რომ მას მთელი დღის განმავლობაში რამდენიმე ადამიანმა გადასცა ეს მითითება, რის შემდეგაც გადაწყვიტა, რომ ოჯახის დაცვის მიზნით, აღნიშნული ინფორმაცია გაესაჯაროებინა.

არ მჭირდება არაფრის მოგონება, ეს არის ერთადერთი იარაღი ჩემი პრევენციის, რომ ვთქვა რა ხდება. არავის არაფერს ვაბრალებ და არ ვამტკიცებ, რაც გადმომცეს იმას ვამბობ. რა ვიცი ვიღაცის ავადმყოფ ტვინში რა მოიხარშება,"- აცხადებს ელისაშვილი.

ალეკო ელისაშვილმა საქართველოს პრემიერ-მინისტრისა და გია ვოლსკის განცხადებებსაც უპასუხა. მან ვოლსკის მოუწოდა, პოლიტიკური შეფასებებისას კორექტული იყოს:

"ასინეთასავით ილანძღებოდა გია ვოლსკი, ჩუღურეთის მაჟორიტარობის კანდიდატია, სადაც თავზე ენგრევა სახლები ხალხს, ამ ადამიანებს დაელაპარაკოს. იმის მაგივრად, მათი პრობლემებით დაინტერესდეს, რა სიტყვებით ლაპარაკობს. უზნეოები მოიკითხოც სიის ოცეულში, მეცამეტე და მეთოთხმეტე ნომრები და პორტირებული ტიპები კიდევ,"- განაცხადა ალეკო ელისაშვილმა.