პაატა ბურჭულაძე გუნდთან ერთად წალკასა და ბოლნისს ესტუმრა

პოლიტიკა - 16:07, 14 Sep, 2016

1852

მოძრაობა „პაატა ბურჭულაძე სახელმწიფო ხალხისთვის“ წინა საარჩევნოდ ქვეყნის მაშტაბით შეხვედრებს განაგრძობს. ამჯერად პაატა ბურჭულაძე გუნდთან ერთად წალკას და ბოლნისს ესტუმრა. მოსახლეობას სიტყვით მიმართა პარტიის მაჟორიტარობის კანდიდატმა პავლე ადუაშვილმაც. შეხვედრაზე ირაკლი ყიფიანმა ადგილობრივებს ის ეკონომიკური და სოციალური პროგრამა გააცნო რაც ქვეყანაში გაჭირვების დონეს საგრძნობლად შეამცირებს და სოციალურად დაუცველებს დახმარებას გაუზრდის. პარტიის პროგრამის მიხედვით სოციალურად დაუცველ მოსახლეობას დახმარება გარანტირებულად შეუნარჩუნდებათ 4 წელი და დაუფინანსდებათ მედიკამენტების შესყიდვა.

„დღეს მთავრობის შენახვა მოსახლეობას ბიუჯეტიდან 3 მილიარდი ლარი უჯდება, ეს აუცილებლად უნდა შეიცვალოს იმ პირობებში, როდესაც მთავრობა მხოლოდ პირად კომფორტზე და ძვირადღირებულ ავტომობილებზე ფიქრობს. აუცილებელია არამიზნობრივი და ბიუროკრატიული ხარჯები 1.5 მილიარდი ლარით შემცირდეს და ეს ხარჯები გაჭირვებულ მოსახლეობს მოხმარედეს. პარტიის სოციალური პროგრამა რომელიც არჩევების მეორე დღესვე ამოქმედდება, 4 წლის თავზე სოციალურად დაუცველთა რაოდენობას 350 000 - ით შეამცირებს.“ განაცხადა ბურჭულაძემ