დემურ სტურუას თვითმკვლელობის საქმის გამოძიების მსვლელობის პროცესთან დაკავშირებით საქართველოს შინაგან საქმეთა მინისტრმა განაცხადა, რომ გამოძიებას მთავარი პროკურატურა აწარმოებს. მისივე თქმით, ეჭვმიტანილს ან დამნაშავეს ხელს ვერავინ დააფარებს:

„მე ვერანაირ კომენტარს ვერ გავაკეთებ, რა ეტაპზეა გამოძიება. რაც შეეხება მფარველობას, აბსოლუტურად აბსურდია, სრული პასუხისმგებლობით გეტყვით, რომ შსს ვერც ერთ ეჭვმიტანილს ან დამნაშავეს, ვერ დააფარებს ხელს, ყოველ შემთხვევაში მანამ, სანამ მე შინაგან საქმეთა მინისტრი ვარ...

ზოგს აკავებენ ერთ კვირაში, ზოგს ერთ თვეში, ზოგჯერ ძებნის ღონისძიება ერთი წლის განმავლობაში გრძელდება. ჩვენ ყველაფერს ვაკეთებთ იმისთვის, რომ ეს ადამიანი მოვძებნოთ და ის წარდგეს გამოძიების და მართლმსაჯულების წინაშე“, - განაცხადა მინისტრმა.