"3 წლის განმავლობაში 60 წლისთავი სამჯერ გადაიხადა არცერთხელ მივსულვარ"- ივანიშვილი ბურჭულაძეს აკრიტიკებს

პოლიტიკა - 14:31, 12 Sep, 2016

24768

ყოფილმა პრემიერ-მინისტრმა ბიძინა ივანიშვილმა რეგიონალურ მედიასთან შეხვედრისას „სახელმწიფო ხალხისთვის“ ლიდერი გააკრიტიკა და თქვა, რომ ბოლო სამი წელია პაატა ბურჭულაძესთან კომუნიკაცია არ ჰქონია.
"სამი წელია ბურჭულაძე არ მინახავს, ნაწყენი ვიყავი, რადგან თავის დროზე როცა ვთხოვე გვერდით დაგვიდექი, უამრავი ფული მოითხოვა"- თქვა ივანიშვილმა.
მისი თქმით, მიხეილ სააკაშვილთან დადის.
”გაიხსენეთ ბურჭულაძის პირველივე განცხადებები რომ მოვიდა. ნახეთ, სააკაშვილთან უკრაინაში რამდენჯერ ჩასულა, იქ დადის ძირითადად ეს კაცი. ფოტოები გამოქვეყნდა, ჩახუტებული სააკაშვილთან. მე სამი წელია ეს კაცი არ მინახავს. ნაწყენი ვიყავი იმიტომ, რომ თავის დროზე როცა ვთხოვე გვერდით დაგვიდექი, უამრავი ფული მოითხოვა და შეურაცხყოფილი იყო, უარი ვუთხარი. 3 წლის განმავლობაში 60 წლისთავი სამჯერ გადაიხადა და არც ერთხელ არ მივსულვარ - განაცხადა ივანიშვილმა.
ექს-პრემიერმა ბურჭულაძის პოლიტიკური გაერთიანების შესახებაც ისაუბრა და აღნიშნა, რომ კუბლაშვილს, ვაშაძეს და კაციტაძის გაერთიანება ბუნებრივია.
"რანაირად შეიძლება კუბლაშვილი და ვაშაძის გაერთიანება იყოს არაბუნებრივი და კაციტაძისაც. თუ თქვენ გახსოვთ, გამყრელიძემ პოლიტიკა მხოლოდ იმ ნიშნით დატოვა, რომ ლამის მთელმა საზოგადოებამ გაიგო, რომ ”ახალი მემარჯვენეები” იყვნენ ფსევდოოპოზიციური პარტია და ეს იყო ”ნაციონალური მოძრაობის” შემადგენელი ნაწილი. დღეს ასეთი ერთადერთი დარჩა ”ლეიბორისტული პარტია”. დანარჩენებიც - ქდმ ჩაიშალა, ნათელაშვილს არსად ჰქონდა წასასვლელი, იმიტომ, რომ მაგაზე უამრავი კომპრომატი აქვთ და დღესაც ამუშავებენ ”ნაცები”. კაციტაძე იყო ჩვეულებრივად ”ნაციონალური მოძრაობის” წევრი. მეტი ბუნებრივი გაერთიანება რა შეიძლებოდა ყოფილიყო"- აღნიშნა ბიძინა ივანიშვილმა.