"შეძლეს შეცდომების გამოსწორება"- "თავისუფალი დემოკრატები" ივანიშვილის მეორე არჩევანია

პოლიტიკა - 12:52, 12 Sep, 2016

7923

საქართველოს ყოფილი პრემიერ-მინისტრი საკუთარ მეორე არჩევანზე საუბრობს. ქუთაისის რეგიონის ჟურნალისტებთან შეხვედრისას ბიძინა ივანიშვილმა განაცხადა, რომ „ქართული ოცნების“ შემდეგ მისი მეორე არჩევანი შესაძლოა „თავისუფალი დემოკრატები“ იყვნენ, ამის მიზეზად კი იმას ასახელებს, რომ ამ პარტიას აქვს საგარეო კურსი, რომელიც თანხმობაში მოდის მმარეთველი გუნდის კურსთან.

ივანიშვილი ასევე აცხადებს, რომ „თავისუფალმა დემოკრატებმა“ შეძლეს შეცდომების გამოსწორება და ეს ყოველივე მათ შესაძლოა არჩევნებში წარმატების მიღწევაში დაეხმაროს:

„მეორე არჩევანი ვინ არის? თუ ადრე რესპუბლიკელებს ვასახელებდი, ახლა დემოკრატებს ვასახელებ. ამასაც მიზეზი აქვს და აგიხსნით. რესპუბლიკელებზე კი კრიტიკა კვლავ მაქვს დასამატებელი, რომ გაიგონ რა არ მომწონს, თუ ჩემი მხარდაჭერა უნდათ და თუ საზოგადოება მათ ისეთს მიიღებს როგორიც არის დღეს, რა თქმა უნდა ეს საზოგადოების არჩევანი იქნება. რესპუბლიკელებსაც და თავისუფალ დემოკრატებსაც პირველ რიგში იმიტომ დავასახელებდი, რომ აქ არ ჩნდება კითხვა ჩვენი ქვეყნის ორიენტაციაზე, აბსოლუტურად შეთანხმებულია, თანმიმდევრულნი არიან. დემოკრატებზე კრიტიკა გავაკეთე, მათმა ლიდერმა დაუშვა ბევრი შეცდომა და გუნდის წევრებმა ვერ მოახრეხეს არ გაეზიარებინათ ლიდერის შეცდომები და მეგობრობას გადაყვნენ. ამ ჯგუფში შეიმჩნეოდა ლიდერის ზედმეტი დომინანტობა, ალასანიას შეცდომები გუნდმა თავისუფლად გაიზიარა და ნაცვლად იმისა, რომ ალასანიას ჰყოფნადა იმის კაცობა და ვაჟკაცობა, რომ საკუთარ შეცდომებეზე გუნდი არ წამოეყვანა, თავად მოიქცა არასწორად. გუნდის წევრებიც მაწვდიდნენ შემდგომ ხმას, კოალიციიდან გასვლის შემდეგ მას გუნდი აღარ გადაჰყვა და შეცდომები აღარ დააშვებინეს. ეს არის ის, რა ცვლილებებიც მოხდა, დღეს დემოკრატები ჩემთვის შედარებით ჯანსაღად გამოიყურებიან. ამ პარტიას ეს შესაძლოა მოუხდეს არჩევნებში. ხმები მომდიოდა ამ გუნდიდან რა თქმა უნდა ვიღაცების და რაღაცის მეშვეობით“, - აღნიშნა ივანიშვილმა.