საქართველოს მმართველი გუნდი საკონსტიტუციო სასამართლოს ირგვლივ განვითარებულ მოვლენებში კვლავ სასამართლოს თავმჯდომარეს ადანაშაულებს. ენერგეტიკის მინისტრი კახა კალაძე მიიჩნევს, რომ ფაქტების გარეშე აბსურდულია რაიმე ზეწოლაზე საუბარი. კალაძე აცხადებს, რომ თავად მოსამართლეები ამტკიცებენ, რომ არავითარ ზეწოლას ადგილი არ აქვს:

„ფაქტები წარმოადგინონ, ფაქტების გარეშე ვფიქრობ, აბსურდულია რაიმეზე საუბარი. არავითარი ზეწოლა, ჩვენ მოვისმინეთ განცხადებები თვითონ მოსამართლეების მხრიდან, რომ არ არის არანაირი ზეწოლა, თუ რაღაც ვირტუალური მოსამართლეები არსებობენ და მათზეა ზეწოლა, მაშინ გამოვიდეს და გვითხრას ბატონმა პაპუაშვილმა,“- განაცხადა კახი კალაძემ.