პაატა ბურჭულაძემ ამერიკის შეერთებულ შტატებში სამუშაო ვიზიტი დაასრულა

პოლიტიკა - 09:25, 12 Sep, 2016

1444

„სახელმწიფო ხალხისთვის“ ლიდერმა შეხვედრები ვაშინგტონში რესპუბლიკელ და დემოკრატ სენატორებთან და კოგრესმენებთან გამართა. პაატაბურჭულაძე ამერიკის პრეზიდენტობის ყოფილ კანდიდატ სენატორ მარკო რუბიოს, სენატორ სტივ დეინს და კონგრესმენ ადამ შიფს შეხვდა. შეხვედრებისას განიხილეს ქართულ-ამერიკული ურთიერთობები, ორ ქვეყანას შორის სავაჭრო ურტიერთობები, საქართველოს დემოკრატიული განვითარება და ოქტომბრის არჩევნები. „სახელმწიფო ხალხისთვის“ ლიდერმა საქართვლოს ტერიტორიული მთლიანობის საკითხებზე შეხვედრა გამართა ა.შ.შ-ს წარმომადგენელთა პალატის კომიტეტის თავმჯდომარე ედ როისთან, რომელიც ამერიკის კონგრესში გაკეთებული საქართველოს სუვერენიტეტის მხარდამჭერი რეზოლუციის ერთ-ერთი ავტორია. კონგრესმენმაპაატა ბურჭულაძესთან შეხვედრისას კიდევ ერთხელ დაადასტურა ა.შ.შ-ს მხარდაჭერა საქართველოს ტერიტორიული მთლიანობისადმი. ასევე აღინიშნა, რომ ოქტომბრის არჩევნები ამერიკის პოლიტიკურ წრეებში განსაკუთრებული ყურადღების საგანია.

„შეხვედრებისას ჩვენს ამერიკელ პარტნიორებთან განხილული იყო ქართულ-ამერიკული ურთიერთობები, ქვეყნის სუვერენიტეტი და ტერიტორიული მთლიანობის საკითხები, ვაჭრობა ორქ ვეყანას შორის, საქართველოს დემოკრატიული განვითარება და ოქტომბრის არჩევნები. ამერიკული მხარე სერიოზულად არის დაინტერესებული საპარალამენტო არჩევნებით საქართველოში და იმით, რომ არჩევნებმა სამართლიან და დემოკრატიულ გარემოში ჩაიაროს. ამ თემებზე გვქონდა საუბარი შეხვედრებისას და ეს საკითხი განსაკუთრებული ყურადღების საგანია ამერიკის პოლიტიკურ წრეებში.“ - განაცხადა პაატა ბურჭულაძემ.

ამერიკის შეერთებულ შტატებში ვიზიტის ფარგლებში პაატა ბურჭულაძის პოლიტიკური საქმიანობით გავლენიანი ამერიკული გამოცემები “Wall Street Journal” და “USA Today” დაინტერესდნენ.