საქართველოში დაბრუნების შემდეგ პაატა ბურჭულაძემ ხათუნა ლაგაზიძის ბრალდებებს უპასუხა. მისი განხადებით, სია საქმის მკეთებელი კადრებით დაკომპლექტდა და პარტიაში კრიმინალური მენტალიტეტის მქონე ადამიანების არსებობასაც გამორიცხავს.

"განრისხება, რომელიც ქალბატონმა ხათუნამ გამოიჩინა ჩემთვის მოულოდნელი არ ყოფილა, თუმცა მან იცოდა ეს, იმიტომ რომ ჩვენ ყველამ გუნდურად განვიხილეთ და შევთანხმდით, რომ ჩვენი პრიორიტეტია პარლამენტში შევიდნენ საქმის მკეთებლები და არა მოლაპარაკეები, იმიტომ რომ მოლაპარაკე ისედაც ძალიან ბევრია პარლამენტში, ხოლო როგორ გაკეთდეს საქმე არ იციან,"-განაცხადა პაატა ბურჭულაძემ.

პაატა ბურჭულაძე აცხადებს, რომ მან აპატია ხათუნა ლაგაზიძეს, რამდენიმე დღეში ლაგაზიძეს წყენა გადაუვლის და ინანებს საკუთარ საქციელს.