ირაკლი ყიფიანი სახელმწიფო ხალხისთვის საარჩევნო სიის შესახებ საუბრისას აღნიშნავს, რომ "ბლოკის საარჩევნო სია დაკომპლექტდა იდეისა და პრინციპების გარშემო".

ამის შესახებ ირაკლი ყიფიანმა კურიერის პირდაპირ ეთერში განაცხადა.

„მთავარ ინდიკატორად არა ის, თუ ვინ იქნებოდა სიის პირველი რიგებში, არამედ ინდიკატორი იყო, თუ ვინ რა გააკეთა ბლოკისთვის, პარტიისთვის. შესაბამისად დაუფასდა შრომა იმ ადამიანებს, რომლებმაც შექმნეს პარტიის ეკონომიკური პროგრამა და სამართლის ჯგუფი,“ - განაცხადა ირაკლი ყიფიანმა.

ირაკლი ყიფიანმა პარტიიდან წასულ პაატა ბურჭულაძის გუნდის სახეების შესახებ საუბრისას თქვა, რომ მათ გადაწყვეტილება თავად მიიღეს. მაგალითისთვის გიორგი რუხაძე დაასახელა, რომელმაც, მისი თქმით, პირადად მიიღო გადაწყვეტილება, რომ სიაში არ ყოფილიყო.

რაც შეეხება ხათუნა ლაგაზიძეს, ყიფიანის თქმით, მან პარტია იმ მიზეზით დატოვა, რომ სიის სათავეში ვერ მოხვდა.

„ხათუნა ლაგაზიძის შემთხვევაში მრგვალი მაგიდის პრინციპით მოხდა შერჩევა და ქალბატონი ხათუნა ამ კონკურენციის შედეგად ვერ მოხდა იქ, სადაც ის ისურვებდა, ყოფილიყო. სამწუხაროა, რომ ადამიანები ტოვებენ ჩვენს ორგანიზაციას მხოლოდ იმიტომ, რომ ფოკუსირებენ, თუ სად იქნებიან სიაში და შესაბამისად სიის ნომრიდან გამომდინარე იღებენ გადაწყვეტილებას,“ - განაცხადა ირაკლი ყიფიანმა.