,,კონკრეტული მიზანი მაქვს - პაატა ბურჭულაძის ნარჩენებმა ბარიერი ვერ გადალახონ, სათქმელს მომავლისთვის ვინახავ“

,,კონკრეტული მიზანი მაქვს - პაატა ბურჭულაძის ნარჩენებმა ბარიერი ვერ გადალახონ, სათქმელს მომავლისთვის ვინახავ“ - ლაგაზიძე

პოლიტიკა - 14:16, 10 Sep, 2016

5677

“პაატა ბურჭულაძესთან მივიდი იმიტომ, რომ მას საზოგადოების რეალური მხარდაჭერა ჰქონდა, რათა პოლიტიკური სივრცე განეახლებინა“ - ამის შესახებ ხათუნა ლაგაზიძემ გადაცემა 20-30-ში განაცხადა.

ბურჭულაძის ყოფილი თანაგუნდელი ამბობს, რომ ,,გირჩთან“ გაერთიანებაზე ინფორმაცია პარტიის შიგნით არსებობდა, თუმცა მისთვის ეს ნაბიჯი ბურჭულაძის მხრიდან გაუმართლებელი იყო.

,,დადგა დღე, როცა პაატა ბურჭულაძის ერთპიროვნული მმართველობის პირობებში ვიგებთ, რომ თურმე, “გირჩთან” გავერთიანდით. არაფორმალურად, ამის შესახებ ინფორმაცია გვქონდა, მაგრამ პარტიის შიგნით ამაზე ინფორმაცია არავის მოუწოდებია. ეს გაერთიანება მე არცერთი სიტყვით არ გამიმართლებია. ამის არცერთი კადრი, ჩანაწერი არ არსებობს და არ არსებობს იმის დამადასტურებელი სურათიც კი, რომ მე მათ პრეზენტაციას ვესწრები”, - განაცხადა ლაგაზიძემ.

ხათუნა ლაგაზიძე ამბობს, რომ დღეს უკვე მისი კონკრეტული მიზანია პაატა ბურჭულაძის ნარჩენებმა ბარიერი ვერ გადალახონ. მისი თქმით, კონკრეტულმა პირებმა ყველაფერი გააკეთეს იმისათვის, რომ ის პარტიაში არ ყოფილიყო.

,,ფაქტიურად, წამოსვლა მაიძულეს. წინ კიდევ ერთი თვე და ძალიან კონკრეტული მიზანი მაქვს, რომ პაატა ბურჭულაძის ნარჩენებმა ბარიერი ვერ გადალახონ და ბევრ სათქმელს მომავლისთვის ვინახავ. 44 წლის მანძილზე, დაცვის თანხლებით დღეს პირველად დავდივარ და ჩემი ბავშვი სამი ადამიანის მეთვალყურეობის ქვეშ იმყოფება. შსს-სთვის ოფიციალურად არ მიმიმართავს. ვთვლი, რომ ღია სივრცეში გაკეთებული განცხადება მიმართვის ტოლფასია. თუ ამას რეაგირება არ მოჰყვება, შსს-ს უახლოეს დღეებში პირადად მივმართავ”, - განაცხადა ხათუნა ლაგაზიძემ.