"NATO საქართველოს დაეხმარება, რომ პროპაგანდისტულ შემოტევაზე სიმართლემ გაიმარჯვოს"- სტოლტენბერგი

პოლიტიკა - 15:51, 08 Sep, 2016

1261

ჩრდილო-ატლანტიკური ალიანსის გენერალური მდივნის განცხადებით, NATO-სთვის საკითხი იმგვარად არ დგას, რომ რუსულ პროპაგანდას პროპაგანდით დაუპირისპირდეს. ამ თემაზე იენს სტოლტენბერგმა ეროვნულ ბიბლიოთეკაში სტუდენტებთან შეხვედრისას ისაუბრა. იენს სტოლტენბერგმა აღნიშნა, რომ ალიანსის პასუხია სიმართლე, დოკუმენტაცია ციფრები და NATO საქართველოს დაეხმარება, რომ პროპაგანდისტულ შემოტევაზე სიმართლემ გაიმარჯვოს:

„მესმის შეშფოთება რუსულ პროპაგანდასთან დაკავშირებით. აღნიშნული პროპაგანდა რამდენიმე ქვეყანაში ვიხილეთ. NATO-სთვის საკითხი ასე არ დგას, რომ პროპაგანდას პროპაგანდა უნდა დავუპირისპიროთ. ჩვენ გვწამს, რომ ადამიანებს გააჩნიათ უნარი გაარჩიონ, რა არის პროპაგანდა და რა არ არის სიმართლე. NATO-ს ბევრი რამის გაკეთება შეუძლია, მაგრამ ყველაზე მეტად ხალხზეა დამოკიდებული, იგი უნდა აღუდგეს პროპაგანდას. მე მწამს, რომ თვითონ ქართველებს შეუძლიათ წინ აღუდგნენ პროპაგანდას და მე მათ ნაცვლად ამას ვერ გავაკეთებ. თავისუფალი პრესა, მონაცემები, ციფრები არის საუკეთესო საშუალება პროპაგანდის წინააღმდეგ ბრძოლისთვის, რომ არ იყოთ მოწყვლადი პროპაგანდის მიმართ“- განაცხადა NATO- ს გენერალურმა მდივანმა იენს სტოლტენბერგმა.