ხშირია, რომ მეზობელი მეზობლის ტერიტორიებს ეხება, მთავარია სწორად შევარჩიოთ ხელისუფლება

ხშირია, რომ მეზობელი მეზობლის ტერიტორიებს ეხება, მთავარია სწორად შევარჩიოთ ხელისუფლება - ივანიშვილი ოკუპაციაზე

პოლიტიკა - 14:15, 08 Sep, 2016

4970

ბიძინა ივანიშვილმა რუსეთის მიერ საქართველოს ტერიტორიების ოკუპაციის საკითხზე ისაუბრა და მიხეილ სააკაშვილი რუსეთის გაღიზიანებაში კიდევ ერთხელ დაადანაშაულა. ექსპრემიერის თქმით, საქართველომ იმის ნაცვლად, რომ რუსეთის გემოვნების და მადის შეცვლას დაელოდოს, ჯობია სწორი ხელისუფლების შერჩევა ისწავლოს:

„ყველა სახელმწიფო ზრუნავს საკუთარ ინტერესებზე, ძალიან ხშირად ხდება, არამარტო ჩვენს რეგიონში, რომ მეზობელი მეზობლის ტერიტორიებს ეხება. მთავარი რაც უნდა გავიაზროთ არის, ის რომ სწორად შევარჩიოთ ხელისუფლება, ქვეყანას უნდა ყავდეს გააზრებული პატრონი, რომელსაც შეუძლია მართვა, ის რომ რუსეთმა მოახერხა, რაც მოახერხა, ლომის წვლილი სააკაშვილს და ნაციონალურ მოძრაობას მიუძღვის. რომ არა მათი უაზრო მოქმედებები, ეს მაკკეინმაც კი აღიარა, რომელიც სააკაშვილს თავის ფავორიტად თვლიდა ოდესღაც, არაფერიც არ მოხდებოდა და რუსეთი ჯარს არ შემოიყვანდა.

იმის ნაცვლად, რომ ჩვენ მეზობელი ქვეყნების დახასიათება დავიწყოთ და ვეცადოთ მას გემოვნება ან მადა შევუცვალოთ, ჯობია ვიფიქროთ და სწორი ხელისუფლება შევარჩიოთ. აი ესაა სწორი სტრატეგია.“- განაცხადა ივანიშვილმა