ბიძინა ივანიშვილი პოლიტიკაში ჩაბმის შემდეგ თავის ყველაზე დიდ შეცდომად გიორგი მარგველაშვილს მიჩნევს, ექსპრემიერის თქმით საქართველლოს პრეზიდენტი თინეიჯერივით იცვლის ხასიათს. ამ თემაზე ყოფილმა პრემიერ-მინისტრმა, ბიძინა ივანიშვილმა ზუგდიდში ტელეკომპანია GDS-ის გადაცემაში „შეხვედრები რეგიონულ მედიასთან“ განაცხადა.

„მარგველაშვილს მე ვთვლი ყველაზე დიდ შეცდომად რაც მოვედი . ამისთვის ბოდიშიც მოვუხადე საზოგადოებას. არ მინახავს ამ ასაკის კაცი დიამეტრულად იცვლიდეს ხასიათს, თინეიჯერის დონეზეა. საკუთარ თავთან გარკვეევაშია ეს კაცი დღემდე და ეს პრობლემა ვერ გავითვალისწინე . ოდესღაც გამოაცხადა, ივანიშვილთან ვარ დაპირისპირებაში და იმიტომ შევედი პრეზიდენტის სასახლეშიო. არავითარ შემთხვევაში ის საკუთარ თავთან არის დაპირისპირებაში. როცა მოვიდა, იყო ერთი ტიპის მარგველაშვილი და დიამეტრულად საპირისპირო გახდა. ასეთ ასაკში ასეთი კაცი და ასეთი შემთხვევა სხვა არ მინახავს.“- განაცხადა ივანიშვილმა.