საქართველოს ყოფილი პრემიერ-მინისტრი მიიჩნევს, რომ „რესპუბლიკურმა პარტიამ“ საკუთარი გამოცდილების რეალიზება კოალიცია „ქართულ ოცნებაში“ ვერ მოახერხა და გარკვეულ ფუნდამენტურ საკითხებში ისინი „ნაციონალურ მოძრაობასთან“ თანხვედრაში მოდიოდნენ. ამის შესახებ ბიძინა ივანიშვილმა სამეგრელოს რეგიონის ჟურნალისტებთან შეხვედრის ფარგლებში ისაუბრა:

„რესპუბლიკურ პარტიას ბევრი საქებარი სიტყვა შეხვდა ჩემგან, თუმცა ის დადებითი თვისებები რაც გააჩნია არის ის, რომ არის თანმიმდევრული ჯგუფი, დიდ პატივს სცემენ პროცედურულ დემოკრატიას და ასე შემდეგ. მე ვიხსენებ კოალიციაში რესპუბლიკური პარტიის როლს, დიდი იმედი მქონდა საკუთარ გამოცდილებას შეიტანდნენ კოალიციაში და მას განავითარდებდნენ, მოხდა საპირისპირო, მათ ვერ მაოხერხეს ეს, ისინი იყვნენე ცუდი პარტნიორები ოთხი წლის განმავლობაში, ძალიან ხშირად, ბევრ თემებში რაც იყო პრინციპული, ოპოზიციის როლში მოგვევლინებოდნენ. მათ ცოდნას რასაც პატივს ვცემდი ძალიან ხშირად პოზიტივში არა, უარყოფითში ჯდებოდა. მათი ცოდნა საქმეს საწინააღმდეგოდ ხმარდებოდა. იმდენად გაერთნენ ეს მცოდნე იურისტები, რომ ორ-ორ კანონს იგონებდნენ, ისინი რეალურად „ნაციონალურ მოძრაობასთან“ გაერთიანებულნი კანონებს მხარს არ უჭერდნენ. რაც ჰქონდა ნაციონალურ მოძრაობას ჩაფიქრებული ქვეყანა უსაფრთხოების თვალსაზრისით დაესუსტებინა, აქ მათი როლი მოვიდა თანხვედრაში. საუბარი მაქვს უსაფრთხოების სამსახურის პოლიციიდან გამყოფიფის საკითხზე, უსუფაშვილი და ხმალაძე ორ-ორ კანონს იგონებდნენ“, - განაცხადა ბიძინა ივანიშვილმა.