ამერიკის შეერთებული შტატების კონგრესის წარმომადგენელთა პალატაში დღეს საქართველოს მხარდამჭერი რეზოლუცია განიხილება. აღნიშნული საქართველოს საგარეო საქმეთა მინისტრმა შეაფასა. მიხეილ ჯანელიძის განცხადებით, არის მოლოდინი, რომ რეზოლუცია კონგრესის მხრიდანაც მხარდაჭერილი იქნება:

„მათ მოახდინეს მაქსიმალური მხარდაჭერის მობილიზება, რათა პირველ რიგში რეზოულუცია კომიტეტში ყოფილიყო მხარდაჭერილი. ჩვენ ველოდებით, რომ იგი წარმატებით მხარდაჭერილი იქნება კონგრესის მხრიდანაც. ეს არის ძალიან მნიშვნელოვანი რეზოლუცია, რომელიც კიდევ ერთხელ ხაზს უსვამს ამერიკის შეერთებული შტატების მყარ და მტკიცე პოზიციას საქართველოს ტერიტორიულ მთლიანობასთან დაკავშირებით“,- აღნიშნა მიხეილ ჯანელიძემ.

რეზოლუცია საქართველოს მეგობართა ჯგუფის თანათავმჯდომარეების, ტედ პოსა და ჯერალდ კონოლის მიერ არის ინიცირებული.