საქართველოს NATO-ში გაწევრიანებაზე რუსეთის გავლენაზე საუბარი კორექტული არ იქნება- კვირიკაშვილი

პოლიტიკა - 18:53, 07 Sep, 2016

1185

კვირიკაშვილი -სტოლტენბერგის ერთობლივ პრესკონფერენციაზე საქართველოს პრემიერ-მინისტრს შეკითხვა ნატოში ინტეგრაციის გზაზე რუსეთის ფაქტორთან დაკავშირებით დაუსვეს. გიორგი კვირიკაშვილის თქმით საქართველოს მთავარი მიზანია საკუთარი საშიანო დავალება შეასრულოს და ნატოსთან სამხედრო სტანდარტების ჰარმონიზაცია მოახდინოს, საქართველოს პოტენციურ გაწევრიანებაზე რუსეთის გავლენაზე საუბარი კი არაკორექტულია:

”ვისაუბროთ რუსეთის გავლენაზე საქართველოს პოტენციურ გაწევრიანებაზე, ალბათ კორექტული არ იქნება. ჩვენ საკუთარი საშიანო დავალება უნდა შევასრულოთ, რათა დავუახლოვდეთ და მოვახდინოთ საქართველოს სამხედრო სტანდარტების ჰარმონიზაცია ნატოსთან. ჩვენ მოთმინება უნდა გამოვიჩინოთ და ვიმოძრაოთ შეუქცევლად ნატოს წევრობისკენ. რასაც რეალურად ახლა ვახორციელებთ სამხედრო სფეროს, დემოკრატიული ინსტიტუტების ფორმირებას, რაც საჭიროა ნატოს წევრობისთვის.

ის, რომ მონტენეგრო ესწრებოდა ამ ძალზედ მნიშვნელოვან ფორუმს, კიდევ ერთხელ მეტყველებს ნატოს ღია კარის პოლიტიკის მდგრადობაზე და ეს არის სტიმული ჩვენთვის იმის, რომ გავაგრძელოთ იმის კეთება, რასაც დღემდე ვაკეთებდით. და ჩვენ დარწმუნებული ვართ, რომ საქართველოსთვის იქნება ე.წ. შესაძლებლობის ფანჯარა და ჩვენ მდგრადად უნდა ვიმოძრაოთ ამ მიმართულებით”, - განაცხადა კვირიკაშვილმა.