საქართველო ეფექტიანად იყენებს ყველა ინსტრუმენტს, რომელიც გვაახლოებს ნატოში გაწევრიანებასთან- პრემიერი

პოლიტიკა - 17:28, 07 Sep, 2016

1009

ჩრდილო-ატლანტიკური ალიანსის გენერალურ მდივანთან და ნატო-საქართველოს კომისიის წევრებთან შეხვედრის შემდეგ გიორგი კვირიკაშვილმა და იენს სტოლტენბერგმა ერთობლივი პრესკონფერენცია გამართეს. საქართველოს პრემიერ-მინისტრმა ნატოს გენმდივნის საქართველოში ვიზიტი მნიშვნელოვან გზავნილად შეაფასა და ჩრდილოატლანტიკურ საბჭოს ნაყოფიერი თანამშრომლობისთვის მადლობა გადაუხადა:
"ნატო-საქართველოს კომისიის სხდომა დასრულდა. ჩრდილოატლანტიკური ალიანსის რიგით მეოთხე ვიზიტი ალიანსის საქართველოსადმი პოლიტიკური მხარდაჭერის და პრაქტიკული თანამშრომლობის დინამიური განვითარების მნიშვნელოვანი გზავნილი გახლავთ. საქართველოს მოსახლეობის უმრავლესობა მხარს უჭერს საქართველოს ნატოში ინტეგრაციას. მადლობა მინდა მოვახსენო ალიანსს მტკიცე და თანმიმდევრული მხარდაჭერისათვის. გვქონდა ნაყოფიერი ორმხრივი შეხვედრა გენერალურ მდივანთან. განვიხილეთ მრავალი თემა, მათ შორის კონკრეტული ნაბიჯები ჩვენი ქვეყნის თავდაცვისუნარიანობის ამაღლების თვალსაზრისით. კომისიის სხდომა ძალზედ პროდუქტიული გახლდათ. მოხარული ვარ რომ აღიარებული იქნა საქართველოს პროგრესის, დემოკრატიული, ეკონომიკური და სამხედრო სფეროს განვითარების მიმართულებით. საქართველოსა და ნატოს შორის ურთიერთობები კიდევ უფრო გაღრმავდა. საქართველოსთან მიმართებით მნიშვნელოვანი გადაწყვეტილებები იქნა მიღებული. ჩვენი ქვეყანა გაძლიერებული შესაძლებლობების ჯგუფის წევრია. არსებითი პაკეტის განხორციელება გეგმიურად მიმდინარეობს. საქართველო ეფექტიანად იყენებს ყველა იმ ინსტრუმენტს რომელიც გვაახლოებს ნატოში გაწევრიანების მიზანთან. ჩვენი ოფიცრები და ჯარისკაცები ნატოს წევრ და პარტნიორ ქვეყნებთან ერთად მხარდამხარ იბრძვიან. სწორედ მათი დამსახურებაა, რომ საქართველო აღიარებულია სანდო პარტნიორად. კიდევე ერთხელ ქედს ვიხდი ჩვენი დაღუპული გმირების წინაშე. ერთ თვეში საქართველოში ჩატარდება საპარლამენტო არჩევნები. მთავრობა მოწადინებულია აღიარებული სტანდარტების შესაბამისად ჩაატაროს არჩევნები. სადაც მრავალ პოლიტიკურ სუბიექტს შესაძლებლობა აქვთ მიაწოდონ საკუთარი გზავნილები საზოგადოებას. ჩვენი ხელისუფლება ძალისხმევას არ იშურებს, რომს აქართველოს ევროატლანტიკური აღჩევანი რეალობად აქციოს", - განაცხადა გიორგი კვირიკაშვილმა.