ირაკლი ჩიქოვანმა ქალაქ ზუგდიდის საკრებულოს დეპუტატობის კანდიდატი წარადგინა

პოლიტიკა - 17:35, 07 Sep, 2016

1360

„ირაკლი ალასანია - თავისუფალი დემოკრატების“ ერთ-ერთმა ლიდერმა და ქალაქ ზუგდიდის მაჟორიტარი დეპუტატობის კანდიდატმა ირაკლი ჩიქოვანმა პარტიის ზუგდიდის ორგანიზაციის ოფისში დღეს გამართულ ბრიფინგზე ზუგდიდში, ე.წ „პრესოვკა - მახარაძის“ საარჩევნო უბანზე ქალაქ ზუგდიდის საკრებულოს დეპუტატობის კანდიდატი დავით ვერავა წარადგინა. ჩიქოვანის განცხადებით, ვერავა ის კანდიდატია, რომელმაც ზუსტად იცის აღნიშნული უბნის მოსახლეობის პრობლემები და მათი გადაჭრის გზები. თავად დეპუტატობის კანდიდატის განცხადებით, ის ამომრჩევლების პრობლემების მოგვარებას შეეცდება და ამისთვის ბოლომდე დაიხარჯება.

"მე კარგად ვიცნობ ზუგდიდს, მათ შორის, ამ კონკრეტული უბნის პრობლემებს. ჩემი კვალიფიკაცია და სამუშაო გამოცდილება მაძლევს საშუალებას, რომ ამ უბნის მოსახლეობას მოვუგვარო არსებული პრობლემები“ - განაცხადა დაპუტატობის კანდიდატმა ჟურნალისტებთან საუბრისას.

დავით ვერავა ზუგდიდის საკრებულოს წევრად 1998-2002 წლებში მუშაობდა. მას ასევე საბანკო სფეროში მუშაობის ხანგრძლივი გამოცდილებაც აქვს.

აღნიშნულ საარჩევნო უბანს ქალაქ ზუგდიდის საკრებულოში მერაბ ქვარაია წარმოადგენდა, რომელიც ამჟამად ქართული ოცნების ქალაქ ზუგდიდის მაჟორიტარი დეპუტატობის კანდიდატია.