დავით უსუფაშვილი ბოდიშს იხდის

პოლიტიკა - 15:41, 07 Sep, 2016

5533

პარლამენტის თავმჯდომარემ დავით უსუფაშვილმა პარლამენტში სხდომის ჩაშლას გამო საზოგადოებას და ქუთაისში ჩასულ პირებს ბოდიში მოუხადა.
უსუფასვილმა იმედი გამოთქვა, რომ არჩევნებზე ისეთი პარლამენტი იქნება არჩეული, რომელიც ”აღებულ პასუხისმგებლობას პირველი დღიდან ბოლო დღემდე ღირსეულად ატარებს”.
”ბოდიშს ვუხდი მოსახლეობასაც, ამომრჩეველს, რადგან ამ დროის მდგომარეობით პარლამენტი არის უმაღლესი საკანონმდებლო ორგანო, რომელიც უნდა იყოს შრომისუნარიანი და შემძლე იმისა, რომ აკეთოს თავისი საქმე. მე მადლობას მოვახსენებ ყველა კოლეგას, რომელიც აქ ბრძანდება - რომ არანაკლებ დაძაბული გრაფიკისა, აქ მობრძანება შესძელით. მეორეს მხრივ, არჩევნებს თავისი კორექტივები შეაქვს პოლიტიკურ ცხოვრებაში, მათ შორის პარლამენტის ცხოვრებაში, თუმცა მინდა ვისურვო, რომ მომავალი პარლამენტი, რომელსაც 8 ოქტომბერს ავირჩევთ, შესძლებს იმას, რომ პირველი დღიდან ბოლო დღემდე ღირსეულად ატაროს დიდი პასუხისმგებლობა, რასაც ქვეყნის უმაღლესი საკანონმდებლო ორგანოს მუშაობა ჰქვია და მოქალაქეებს ოდნავაც არ გაუჩინოს განცხდა იმისა, რომ მათ მიერ არჩეული პარლამენტის წევრები ვერ ახერხებენ ფუნციების შესრულებას. მე ვიცი ჩვენი რამდენიმე კოლეგა, რომელიც სამწუხარო მიზეზების გამო ვერ გვესწრება. როგორც ყოველთვის, არის გარკვეული გამონაკლისები, თუმცა დღეს ალბათ ცოტა უფრო კარგად უნდა წარვმსდგარიყავით ერთმანეთისა და საზოგადოების შინაშე”, - განაცხადა დავით უსუფაშვილმა.

კვორუმის არარსებობის გამო საქართველოს საკანონმდებლო ორგანოში მე-8 მოწვევის პარლამენტის ბოლო პლენარული სხდომა ჩაიშალა.

რეგისტრაცია 30-მა დეპუტატმა გაიარა, კვორუმისთვის კი 76 დეპუტატის ყოფნა იყო საჭირო.