ფეისბუკზე დიდ დიღომში გადაღებული ფოტო ვრცელდება, რომელზეც მანქანების სავალ ნაწილზე დაჩოქილი ქალია ასახული, რომელიც მოწყალებას ითხოვს. როგორც ფეისბუკმომხმარებელი წერს, მსგავს ადგილზე ყოფნით ის საფრთხეს უქმნის, როგორც საკუთარ თავს, ასევე ამ გზაზე მოძრავ ავტომობილებსაც:

„3 თვეზე მეტია ეს ქალი გზაზე ხელგაშვერილი ზის მუხლიჩოქა დიდი დიღმის გუდვილის გამოსასვლელთან. გვერდით ბალახების სკვერია და ვერაფრით დავიყოლიე, რომ იქ დაჯდეს.

ვერ ვხვდები პატრული რატომ არ რეაგირებს.

მიზეზი ბევრია, რატომაც უნდა აეკრძალოს ამ ადგილზე ჯდომა.

1.ზის ზედ გზაზე. მანქანებს უდგება წინ.

ადგილი ისეთია, რომ გამოდიხარ მარცხნიდან ინტენსიურად მომავალ მანქანებს უნდა უყურო, რომ გასვლა მოახერხო, ამ დროს მარჯვნივ ეს დგას მუხლებზე,ხელგაშვერილი და ამაზეც უნდა იფიქრო, რომ არ დაარტყა ან მინიმუმ არ გაჰკრა ხელზე მანქანა. მგონი წესიერად ვერც ხედავს, ელამია. სიბნელეშიც არ ჩანს წესიერად, სულ მუქი ფერები,ნაცრისფერი,შავი აცვია.

2. საშიში სიტუაცია იქმნება მაშინაც, როცა ვინმეს ქველმოქმედების სურვილი უჩნდება და ეგრევე უჩერებს მანქანას ფანჯრიდან რომ გასცეს მოწყალება , ამ დროსაც შეიძლება შენ მარცხნივ იყურებოდე არ ელი რომ წინ გაგიქვავებენ მანქანას და დაარტყა. მერე ალბათ გამოფხიზლდება პატრულიც.

3.ამას გარდა ეს საცოდავი გამუდმებით სუნთქავს ამ მომწამლავ გამონაბოლქვს. თან ასე დაბალ დონეზე,მიწასთან ახლოს ბევრად მეტს ისუნთქავს როგორც ვიცი ამ მავნე ჰაერს.

4.ამ ყველაფერს რომ თავი დავანებოთ სირცხვილია, ქალი ასე მუხლიჩოქა ხელგაშვერილი ძეგლივით რომ დგას შუა გზაზე და არავის აინტერესებს. უცხოელებიც ჭარბად დადიან გუდვილში და ალბათ როგორ დაგვცინიან.

ეს კი შინაგან საქმეთა სამინისტროს პასუხი: " გამარჯობა, აღნიშნულ შემთხვევაში შეგიძლიათ მიმართოთ 112-ს."- წერს ფეისბუკმომხმარებელი.